Subscribe në Ora News këtu http://bit.ly/1s5j7UT<br /><br />Nga fundi i muajit nëntor, emisioni "BOOM" publikoi rastin e familjes Rrapo, e cila banon në fshatin Kuqar të Kelcyrës.<br /><br />Tre fëmijët e familjes, mes lotësh rrëfyen se ushqeheshin vetëm me çorbë, ndërsa mamaja e tyre tregoi se në këto netë të ftohta fëmijët mbuloheshin me plasmas, pasi çdo pikë shi depërtonte në krevatin e fëmijëve.<br /><br />Menjëherë pas transmetimit të kronikës, redaksia e "BOOM" është kontaktuar nga trajneri i Klubit të Futbolit Këlcyrës, Robert Spahiu, i cili tha se skuadra që ai drejton ka vendosë t'ia dhurojë familjes Rrapo shpërblimin e fitores në ndeshjen e fundit.<br /><br />Djem të moshave 16-23 vjeç së bashku me trajnerin udhëtuan drejt fshatit Kuqar për të gëzuar fëmijët e familjes dhe për të zbutur sadopak varfërinë e tyre.<br /><br />Robert Spahiu: Jam trajner i ekipit të Këlcyrës. U njohëm me varfërinë e kësaj familje nëpërmjet kronikës në Ora News. Ekipi KF Këlcyra kishte një ndeshje të dielën me ekipin e Patosit dhe sponsori ynë Andrea Barka kishte një premio për fitoren në këtë ndeshje. <br /><br />Ekipi fitoi dhe të gjithë çunat ishin dakord që premion që morën për ndeshjen ta jepnin për këtë familje në nevojë. Ndërsa dy çunave të vegjël u kemi sjellë nga një uniformë sporti dhe dy topa futbolli që në të ardhmen të jenë pjesë e ekipit.<br /><br />Për më shumë lexoni në: http://www.oranews.tv/article/kf-kelcyra-dhuron-familjen-rrapo-rikthehet-buzeqeshja-e-femijeve
