Subscribe në Ora News këtu http://bit.ly/1s5j7UT<br />22 vite punë i janë dashur 63-vjeçares, zonja Arapaj dhe bashkëshortit të saj që të ndërtojë këtë banesë, duke pranuar të jetojë në kushte të vështira ekonomike. Sot një projekt i mbajtur i fshehtë do ti shembë të gjithë sakrificat e duke e lënë në qiell të hapur. Të ardhur nga Vlora, familja Arapaj është e përbërë nga 8 persona.<br /><br />Për Ora News, shprehen të shqetësuar për efektet që do të ketë devijimi i shtratit të Lanës.<br /><br />Gruaja: Si të dal unë në rrugë me invalidë dhe 4 kurora brenda. Janë katër çuna brenda në shtëpi. Ku të vete unë? <br /><br />Formularin e bashkisë së Tiranës për marrjen e të dhënave personale e ka plotësuar dhe familja Arapaj, por as kësaj familje nuk i është thënë i qartë motivi.<br /><br />Gruaja: Nuk ma ka bërë të qartë bashkia. Më kanë ardhur dhe regjistruan emra, kaq. Deri më tani letra në shtëpi nuk na kanë ardhur. <br /><br />Tashmë misteri i marrjes së të dhënave po zbulohet përmes ndryshimit të rrjedhës së lanës, teksa pjesa më e madhe e banesave në zonë nuk janë të legalizuara, çka e bën të pamundur dëmshpërblimin.<br /><br />Gruaja: Nuk na kanë bërë legalizimin kaq vite. Kam harxhuar tërë ato lekë në Hipotekë. Vetëm tek Hipoteka kam lënë 800 mijë lekë. <br /><br />Zonja tregon se të ardhurat nuk janë më shumë se 22 mijë lekë në muaj, të cilat vijnë nga pensioni i saj dhe i bashkëshortit, i cili për 4 vite qendron vetëm në shtratin e dhomës, i paralizuar, për shkak të një aksidenti automobilistik.<br /><br />Gruaja: Katër vjet e kam çuar në spital. Kam kërkuar kemp por thanë se nuk i takon.<br /><br />Nga projekti i rehabilitimit të Lanës pritet të shemben 194 shtëpi të tjera duke iu shtuar objekteve që preken nga zgjerimi i Unazës së Re.<br /><br />Për më shumë lexoni në: http://www.oranews.tv/article/devijimi-i-lanes-prek-te-varfrit-kryefamiljarja-ku-te-shkoj-me-burrin-e-paralizuar
