Studentët nisin marshimin: Bashkohuni me ne!<br />Ora 09:33 Studentët kanë nisur grumbullimin e studentëve tek Korpusi. Gazetarja e Ora News Xhenslia Demollaj informon se pritet ti bashkohen dhe studentët e universitetit të Mjekësisë <br /><br />Sot Dhjetori i dytë i studentëve, Kryeministria "zonë e ndaluar", rezistencë para MAS<br /><br />Bashkimi Kombëtar Studentor ka publikuar axhendën e protestës së ditës së sotme, që përkon edhe me 8 dhjetorin, lëvizjen studentore të 1990.<br /><br />Për të shmangur çdo lloj politizimi të mundshëm, për shkak se edhe Partia Demokratike ka aktivitete në përkujtim të kësaj date, studentët kanë shpallur "zonë të ndaluar" Kryeministrinë.<br /><br />Mbledhja e studentëve të Tiranës do të nisë nga sheshi "Nënë Tereza" nga ora 08:30 deri në orën 09:30. <br /><br />Prej nga aty do të marshojnë drejt Ministrisë së Arsimit, ku do të zhvillohet dhe protesta.<br /><br />Studentët e Tiranës ftojnë të gjithë studentët e tjerë, maturantët dhe prindërit tu bashkohen për të kërkuar me ngulm plotësimin e tre kërkesave të tyre.
