Subscribe në Ora News këtu http://bit.ly/1s5j7UT<br />Tarifat që paguajnë studentët shqiptarë në sistemin publik janë rritur dy-fish krahasuar me 5 vite më parë. Sipas të dhënave të përpunuara nga Open Data Albania rezulton se krahasuar me vitin akademik 2010-2011, tarifat në vitin akademik 2015-2016 janë rritur mesatarisht me 10 000 lekë. <br /><br />Rritjen më të lartë në vlerë absolute e ka pësuar tarifa për Fakultetin e Mjekësisë, Fakultetin e Ekonomisë dhe Agrobiznesit në programin "Menaxhim agrobiznesi" dhe Fakulteti i Mjekësisë Veterinare, me rreth 19 500 lekë. <br /><br />Po ashtu rritje ka shënuar edhe Fakulteti i Shkencave Pyjore në programin "Mbarështim pyjesh" me 14 670 lekë, Universiteti i Sporteve të Tiranës, Fakultetet e Mjekësisë Dentare dhe Fakulteti i Farmacisë. <br /><br />Ndërkohë nëse bëjmë një krahasim të tarifave në universitet e rretheve konstatohet se rritja e tarifave ka qenë më e moderuar. <br /><br />Sipas Open data Albania Universiteti "IsmailQemali", i Vlorës ka pasur rritjen më të vogël të tarifave me vetëm 5. 692 lekë. <br /><br />Studentët që paguajnë më shumë aktualisht janë ata të Universitetit të Mjekësisë, konkretisht për degët Mjekësi Dentare, Farmaci dhe Mjekësi me 45 000 lekë/vit. <br /><br />Kjo renditje ndiqet nga Fakulteti i Shkencave Sociale dhe Fakulteti i Drejtësisë në Universitetin e Tiranës, Fakulteti i Arkitekturës dhe Urbanistikës, Fakulteti i Mjekësisë Veterinare dhe Universiteti i Arteve të cilat kanë tarifa që arrijnë në 40 000 lekë/vit. <br />Për më shumë lexoni në: <br />http://oranews.tv/article/tarifat-e-studenteve-gati-dyfish-me-te-larta-krahasuar-me-5-vite-me-pare
