Protesta e studentëve ka hyrë në ditën e saj të pestë. Edhe këtë të shtunë, pas mbledhjes përpara fakulteteve, ata kanë marshuar në drejtim të Ministrisë së Arsimit.<br /><br />Në këtë rrugëtim, ata kanë marrë edhe mbështetjen e qytetarëve. Të shumtë kanë qenë edhe qytetarët që i janë bashkuar protestës së tyre për arsim cilësor, kushte më të mira në konvikte dhe uljes së tarifave vjetore.<br /><br />Plotësimi i dy kërkesave, për investime dhe heqja e pagesës për kredite në lëndët e mbartura nuk e kanë zbehur fuqinë e protestës. Edhe këtë ditë, ata kanë shprehur vendosmërinë për të mos u tërhequr, deri në realizimin e çdo kërkese të drejtuar Ministrisë së Arsimit.<br />Studentët kanë denoncuar sot edhe disa prej pedagogëve, të cilët i kanë akuzuar për korrupsion. Protestës kanë kërkuar t'ju bashkohen edhe banorë e Astirit, por ata nuk janë pranuar nga studentët, duke e konsideruar protestën e tyre politike.<br /><br />Po ashtu studentët kanë refuzuar edhe bisedën me Ministren e Arsimit, Lindita Nikolla, e cila tentoi të takohet me to përpara Ministrisë së Arsimit.<br /><br />Ata janë shprehur se nuk janë të hapur për asnjë negociatë dhe se do të rikthehen në auditore vetëm kur çdo kërkesë e tyre të plotësohet.<br /><br />Gjatë afro 8 orë qëndrim përpara Ministrisë ata kundërshtuan çdo mundësi për negociate. Thanë se do të rikthehen në auditore vetëm kur çdo kërkesë e tyre të plotësohet, ndërsa protesta do të vazhdojë sërish të dielën, me të njëjtin itinerar. Marshim nga korpusi universitar drejt Ministrisë së Arsimit.<br /><br />Tv Klan
