Mbrëmjes finale të festivalit "Kënga Magjike" nuk kishte si t'i mungonin dyshja e humorit Bes Kallaku dhe Erion Isai. Ata imagjinuan se çfarë mund të ndodhte nëse interneti, kaq i përhapur tashmë dhe i përdorur nga të gjithë, nuk do të ekzistonte më. Ata renditën 11 personazhe të njohur nga politika tek arti, për të cilët imagjinuan sesi do t'i prekte mungesa e internetit, e mbi të gjitha e rrjeteve sociale.<br /><br />Sigurisht me Besin dhe Erionin çdo pyetje e përgjigje shoqërohet me humor, ashtu sikurse edhe në këtë rast. Çfarë do të ndodhte në Shqipëri pa internetin?<br /><br />Erion Isai: Ishim duke menduar sikur një ditë të zgjohemi dhe të zhduket interneti në Shqipëri, mos ketë Facebook, YouTube, Instagram, asgjë virtuale. Si do të ishte Shqipëria po të zhdukej interneti?<br /><br />Bes Kallaku: Ore unë nuk e di si do të jetë Shqipëria më 1 Janar, që nuk do ketë më loto, jo më të zhduket edhe interneti.<br /><br />Erion Isai: Po të zhdukej interneti do të kishim 70 përqind pemë të dëmtuara më pak, sepse s'do të kishte më njerëz që do t'ia fusnin pemës me kokë duke shkruar në celular.<br /><br />Bes Kallaku: Do kishte 80 përqind më pak operacione plastike.<br /><br />Erion Isai: Pse?<br /><br />Bes Kallaku: Po kur s'ke ku i reklamon, për çfarë do i bësh?<br /><br />Erion Isai: Po të zhdukej interneti, Rama nuk do të kishte më ERTV-në. Berisha do ta përjetonte shumë keq, sepse nuk do të kishte më qytetar dixhital.<br /><br />Bes Kallaku: Sali Berisha... po ai do shpikte internet vetë më. Po e di kush do ta përjetonte më shumë? Ilir Meta, do i binte pika: "Po tani që gjeta unë me hap Instagram e gjetët ju me e zhduke e..."<br /><br />Erion Isai: Po të zhdukej interneti nuk do i kishin më kuptim pompat Aurela Gaxhes. Se po të mos i hidhte pompat në Story, përse do t'i bënte? E keni vënë re kur këndon live, më shumë bën pompa sesa këngë.<br /><br />Bes Kallaku: 1 këngë, 10 pompa.<br /><br />Erion Isai: Po të zhdukej interneti, nuk do t'i kishte më kuptim vrapi nga liqeni Anila Bashës. Po të mos bënte foto mëngjes për mëngjes duke vrapuar, përse do bënte vrapin?<br /><br />Bes Kallaku: Vëlla, dy gjëra kam frikë unë se mund të më hanë kur dal nga liqeni: Pitbull-at e lëshuar dhe Anila Basha...<br /><br />Erion Isai: Përse?<br /><br />Bes Kallaku: Po i dukem si sandwich a nuk e di, se marr vesh... Llogarit, të bësh vrap me shtuar nga një 1 kg në javë, vetëm Anila Bashën kam parë.<br /><br />Erion Isai: Por po të zhdukej interneti çfarë do bënte Olti Curri?<br /><br />Bes Kallaku: Nuk do ekzistonte fare. Olti Curri nuk është real, është virtual.<br /><br />Bes Kallaku: Por po të mos ekzistonte interneti nga do e merrnim vesh ne se në cilin shtet afrikan shkoi Blendi Fevziu këtë javë? Dhe me cilin fis kanibalësh kaloi natën dhe me ça breshke uji u la në 12 metra thellësi në det?<br /><br />Erion Isai: Por po të zhdukej interneti, ku do zhvishej Bleona Qereti?<br /><br />Bes Kallaku: Po pra, se ajo është e vetmja që nuk zhvishet si gjithë dynjaja në dhomë të gjumit, por thotë ja prit të shkoj të zhvishem pak në Instagram dhe erdha.<br /><br />Erion Isai: Por po të zhdukej interneti si mund të humbte Shqipëria këngët e mrekullueshme të këngëtares virtuoz...
