Dy humoristët Erion Isai dhe Bes Kallaku kishin konstatuar një detaj shumë interesant në këtë ediocion të 20-të të festivalit "Kënga Magjike". Sipas tyre, pjesa më e madhe e këngëve të këtij viti janë me dhimbje, flasin për vuajtje, dashuri të humbur etj.<br /><br />Ata renditën disa prej këngëve, ndërsa aluduan se këngëtarët presin ndahen në Dhjetor enkas për të marrë pjesë tek "Kënga Magjike".<br /><br />Erion Isai: Ky vit ka pasur këngë shumë të bukura në këtë edicion të 20-të të Këngës Magjike, super këngë, vetëm një gjë se kuptoj, të gjitha këngët vetëm me dhimbje.<br /><br />Bes Kallaku: Ore përse qajnë kaq shumë këtu në Këngë Magjike?<br /><br />Erion Isai: Të gjithë këngëtarët e lenë të ndahen nga dashnorët në Dhjetor, për të bërë këngë për Këngën Magjike, se nuk ka mundësi.<br /><br />Bes Kallaku: More çdo tekst kënge, çdo fjalë kënge, vetëm dhimbje. Pas këngës Magjike duhet të hapësh një kështu, rehabilitim për këngëtarët e dhunuar. Nuk di çfarë të them. Ka kaq shumë këngë me dhimbje, sa kënga më ritmike titullohet "Vuj".<br /><br />Erion Isai: Ja, të ta bëj me analizë. Titujt e këngëve të këtij viti: Mentor Haziri-M'ke vra. Ka hyrë në gjak për Këngën Magjike.<br /><br />Bes Kallaku: Flor Mumajesi-Plas, si me qenë prej Fushë-Kruje.<br /><br />Erion Isai: Rozana Radi-Kur përfundon një dashuri si kjo e jona.<br /><br />Bes Kallaku: Ky është komplet teksti i këngës apo jo?<br /><br />Erion Isai: Jo, jo është titulli.<br /><br />Bes Kallaku: Jo më se bën shaka, është komplet teksti. Ç'është ky titull kënge sa tre këngë bashkë? Pastaj e keni parë Rozana Radin? Ka 5 vjet që qan në Këngë Magjike. Ore Rozana nuk vjen me kënduar, vjen me u kënduar në Këngë Magjike.<br /><br />Erion Isai: Do më? Ardit Çuni-Qaj.<br /><br />Bes Kallaku: Fifi-Psikopatja jote. Ore këta s'janë mirë more. Mirë kjo, por të bësh këngë për lotot, për skediant, për garat me qentë...<br /><br />Erion Isai: Këtu ia fute kot, ku ka në "Këngë Magjike" këtë vit këngë për lotot?<br /><br />Bes Kallaku: Ja më sa mbaruan, Artiola Toska me Brunon. I dogji më ndeshja e fundit, s'iu hap kafazi më...<br /><br />Ardit Gjebrea: Çuna jeni gati që të prezantojmë një çmim apo jo?<br /><br />Bes Kallaku: Jam gati të prezantojmë një çmim, vetëm të lutem Ardit, kam shumë dëshirë që çmimi që ne do japim të mos të jetë duet dhe të mos puthen.<br /><br />Ardit Gjebrea: Përse?<br /><br />Bes Kallaku: Në 20 vite në Këngë Magjike, kush është puthur në këtë skenë janë ndarë.<br /><br />Erion Isai: Unë nuk di të ketë ndonjë çift këtë vit...<br /><br />Bes Kallaku: Ka më ka, Aurela me Eli Farën...//tvklan.al
