Prishja e objekteve pa leje që janë ndërtuar në Unazën e Madhe në zonën e ?Astirit? ka vijuar edhe gjatë së dielës.<br /><br />Inspektorati i Mbrojtjes së Territorit ka shembur disa objekte që shërbenin si lavazhe në gjurmët e lotit 2 dhe 3 të Unazës. Siç shihet edhe nga pamjet, aksionit kanë gjetur mirëkuptimin e banorëve që kanë bërë zhvendosjen e materialeve dhe boshatisjen e ndërtesave për t?i hapur rrugë ndërhyrjes së makinerive të rënda.<br /><br />Deri tani numri i ndërtimeve pa leje të prishura përgjatë këtij segmenti ka shkuar në mbi 30 të tilla. Më herët gjatë inaugurimit të urës së re të ndërtuar mbi lumin Lanë kryebashkiaku Veliaj e vuri theksin tek ndërgjegjësimi i banorëve që kanë liruar vullnetarisht banesat për t?i hapur rrugë një vepre të madhe publike për kryeqytetin.<br /><br />?Ne shqiptarët mobilizohemi dhe gjejmë ura bashkëpunimi, mund të bëjmë urë, mund të bëjmë unazë, mund të bëjmë Pazar, mund të bëjmë shesh, mund të bëjmë kënde lojërash. Ndaj, edhe jam i lumtur që edhe 100 metra më poshtë ku ka filluar projekti i Unazës.?<br /><br />Edhe ndërtimi i urës së këmbësorëve mbi Lumin e Lanës në zonën pranë Pallatit me Shigjeta ka qenë një kërkesë e hershme e banorëve të njësisë 5 dhe 7.<br /><br />Tv Klan
