Subscribe në Ora News këtu http://bit.ly/1s5j7UT<br />Një kamion me 5 kg e 300 gr lëndë narkotike është kapur në Portin e Durrësit.<br /><br />Droga u gjet në kabinën e kamionit gjatë kontrollit të policisë.<br /><br />Uniformat blu kanë vënë në pranga drejtuesin e mjetit me iniciale T.H., 31 vjeç, banues në Durrës dhe është shpallur në kërkim shtetasi me iniciale E.H.<br /><br />"Gjatë kontrollit të ushtruar mbrëmjen e djeshme në vijën e dytë, në kabinën e një kamioni është gjetur e fshehur lëndë narkotike. Lënda narkotike e llojit marijuanë ka rezultuar në peshën 5 kg e 300 gr, e cila është sekuestruar në cilësinë e provës materiale,"-raporton policia.<br /><br />Në ngarkim të shtetasve të mësipërm materialet i kaluan Prokurorisë pranë Gjykatës së Shkallës së Parë Durrës për veprën penale "Trafikimi i narkotikëve "në bashkëpunim parashikuar në nenin 283/a/2 të Kodit Penal.<br /><br />Policia gjithashtu ka arrestuar në Portin e Durrësit tre shtetas të huaj me dokumenta të dyshuara të falsifikuara, të cilët po tentonin të kalonin kufirin drejt Italisë në mënyrë të paligjshme.<br /><br />Në pranga ranë:<br /><br />? V.E, 30 vjeç, banues në Turqi;<br /><br />? S.A, 43 vjeç, banues në Turqi;<br /><br />? R.A, 32 vjeçe, banuese në Filipine.<br /><br />Në ngarkim të shtetasve të mësipërm materialet i kaluan Prokurorisë pranë Gjykatës së Shkallës së Parë Durrës për veprën penale "Falsifikimi i letërnjoftimeve, i pasaportave ose i vizave" parashikuar në nenin 189 të Kodit Penal.<br /><br /> <br />Për më shumë lexoni në: <br />http://www.oranews.tv/article/kapet-kamioni-me-marijuane-ne-portin-e-durresit
