Subscribe në Ora News këtu http://bit.ly/1s5j7UT<br />Lëvizja Socialiste për Integrim i propozon Kuvendit dy amendamente, të cilat sipas saj zgjidhin përfundimisht 8 kërkesat minimale të studentëve.<br /><br />Në një dalje herët në mëngjes nga selia e kësaj partie, kryetarja e LSI-së Monika Kryemadhi tha se kostoja financiare e tyre për Edi Ramën është inekzistente.<br /><br />Kryemadhi: Ne i bëjmë thirrje Edi Ramës dhe mazhorancës, deputetëve të çdo partie politike ti kalojmë menjëherë me urgjencë në seancën e nesërme. Kjo është e vetmja mënyrë për të shlyer mëkatin tonë të politikës që kemi lënë 27 vite këta studentë në kushte të mjeruara.<br /><br />Protesta e studentëve në shesh nuk është protestë studentore, por protestë kombëtare se tregon varfërinë, mjerimin dhe çdo grabitje që Edi Rama u ka bërë shqiptarëve në tërë këto vite. Sot do të bashkohen të gjithë shqiptarët me fëmijët e tyre.<br /><br />Po çfarë propozon LSI<br /><br />Kryemadhi: Deputetët e LSI do të depozitojnë tashmë amendamentet me ligjet përkatëse që u japin përgjigje të 8 pikave të studentëve.<br /><br />Propozojmë amendament për ligjin e buxhetit për 2019, në të cilin bëhen këto shtesa dhe ndryshime: Të ndryshohet totali i shpenzimeve buxhetore për zërat e arsimit Universitare dhe fonde për shkencën si më poshtë.<br /><br />Totali i shpenzimeve buxhetore për arsimin universitar të bëhet nga 7 miliard e 500 milion lekë të kthehet në 14 miliard 909 milion dhe 916 mijë lekë shqiptare.<br /><br />Vetëm 1% e Prodhimit të Brendshëm Bruto. Sot buxheti që ka miratuar qeveria shqiptare për 2019, 46% të PBB e kalon për të paguar koncesionarët e saj. Studentët kërkojnë vetëm 1%.<br /><br />Totali i shpenzime buxhetore për fondet e shkencës të bëhet 620 milion lekë të reja të bëhet 1 miliard e 240 milion lekë të reja.<br /><br />Këto i gjen shumë kollaj.<br /><br />Në nenin 15 të shtohet neni 16 me përmbajtje: Të krijohet Fondi i Emergjencës për arsimin me vlerë 5 miliard lekë nga Ministria e Financave dhe Ekonomisë, të cilat do të përdoren për përmirësimin e infrastrukturës të shoqërive të trajtimit të studentëve në Tiranë dhe rrethe dhe infrastrukturës universitare në përgjithësi.<br /><br />Paratë do ti gjejë me anulimin e tenderit të Unazës së Re dhe me kthimin mbrapsht të parave të një tenderi dhënë një kompanie fiktike offshore të Edi Ramës në SHBA, 30 milion euro janë 5 miliard lekë që ai ua vodhi shqiptarëve në një muaj ti hedhë automatikisht menjëherë në rikostruksionin e godinave dhe konvikteve të studentëve.<br />Për më shumë lexoni në: <br />http://oranews.tv/article/lsi-propozon-dy-amendamente-plotesimin-e-8-kerkesave-te-studenteve
