Subscribe në Ora News këtu http://bit.ly/1s5j7UT<br />Pikat e basteve sportive në qytetin e Lezhës po mbyllen masivisht me afrimin e 31 dhjetorit që është afati i fundit për kyçjen e këtyre bizneseve. Në pjesën më të madhe të ambienteve që ushtronin këtë aktivitete, tashmë janë vendosur tabelat "jepet me qira".<br /><br />Pas këtyre qepenave të mbyllura në qytetin e Lezhës, deri pak ditë më parë zhvillonte aktivitet një pikë bastesh sportive.<br /><br />Prej ditesh ka nisur mbyllja masive e basteve sportive, ndërsa kazinot elektronike duket se po shfrytëzojnë edhe këto ditë të fundit që ju kanë ngelur.<br /><br />Disa pika bastesh madje kanë hequr edhe çdo tabelë apo logo që ishte e vendosur tek biznesi i tyre.<br /><br />Jashtë kameras pronarët thonë se janë të detyruar t?i mbyllin bizneset në mënyrë që mos të vazhdojnë të paguajnë taksa, pasi për ta ka kosto dhe humbje të mëdha.<br /><br />Edhe agjencitë imobiliare bëjnë të ditur se ambiente që deri më tani shërbenin si pika bastesh dhe lotosh, janë bërë pjesë e listës së ambienteve të lira që lëshohen me qira. <br /><br />Sipas ligjit të miratuar nga qeveria Rama, duke nisur nga data 31 dhjetor 2018, do të pushojnë së funksionuari të gjitha pikat e basteve dhe kazinove elektronike në vendin tonë.<br /><br />Por nga ana tjetër, ky vendim do të nxjerrë të papunë punonjësit e këtyre aktiviteteve dhe kjo sipas tyre ka ndikim negativ në ekonominë e shumë familjeve.<br /><br /><br />Për më shumë lexoni në: <br />http://oranews.tv/article/kycen-bastet-ne-lezhe-shtohen-ambientet-me-tabelen-jepet-me-qira
