Kompania e shpërndarjes së energjisë do të rinisë aksionin kundër vjedhjeve dhe refuzimit të pagesave për energjinë elektrike. Kontrollet do të përqendrohen fillimisht në rajonin e Shkodrës, i cili ka 10% të konsumatorëve në rang vendi dhe nivelin më të lartë të humbjeve. Nëse në të gjithë Shqipërinë humbjet e energjisë elektrike janë 23.7%, për Shkodrën niveli është 40%, por më poshtë se 61.8 që ishte në 2013-ën.<br /><br />Administratori i kompanisë Ardian Çela, tha se tashmë në këtë zonë do të jenë amerikanët që do të punojnë bashkë me drejtorinë rajonale për të marrë vendimet dhe për të ndryshuar mentalitetin e kompanisë.<br /><br />?Pavarësisht masave të forta të ndërmarra nga OSHEE, vjedhja e energjisë elektrike është ende një fakt në këtë rajon, prandaj është e nevojshme ndërhyrja e fortë për të përmirësuar operacionet e brendshme.?<br /><br />Është misioni USAID që do të dërgojë në Shkodër kompaninë Tetra Tech, e cila ka realizuar edhe planin e veprimit në Shkodër.<br /><br />?Në 12 muajt që do të pasojnë, USAID do të ofrojë asistencë teknike për OSHEE-në në fushën e leximit dhe faturimit, mbledhjes së të ardhurave dhe kontrollit si dhe të planifikimit dhe operimit.?<br /><br />Shkodra është një nga rajonet më të vështira për të operuar dhe luftuar paligjshmërinë pasi është e ndarë në zona influence, ku shpeshherë punonjësit e OSHEE-së e kanë të pamundur që të ndërhyjnë.
