Subscribe në Ora News këtu http://bit.ly/1s5j7UT<br />Një student përpara selisë së Kryeministrisë, i bëri thirrje kryeministrit Rama që të dorëzohet dhe të plotësojë 8 kërkesat e studentëve dhe një kërkesë të nëntë, siç theksoi ai, heqjen e procedimeve penale.<br /><br />Student: Mu desha të largohesha për disa orë, pasi punoj në Call Centër dhe mu desh t'ju thoja se jam në protestë. Të gjithë kolegët u ngritën dhe duartrokitën. Ata janë me ne. <br /><br />Ata kërkuan njëzëri që edhe zëri i tyre të përfaqësohen sepse nuk mund të shkëputen, por në momentin e parë do të vijnë këtu. Më kërkuan që të mos frikësohem. I thashë që nuk e njoh frikën. Frikën duhet ta njohë ai para sovranit dhe jo sovrani para një individi.<br /><br />Sigurisht, dua t'i bëj thirrje prindërve të mi; mos u merakosni për mua. Nuk jam vetëm. Shikoni sa janë këtu. Nuk ka negociata. Po qarkullon një lajm nuk e di sa është i vërtetë që ministrja do të bëjë deklaratë për largimin nga Ministria e Arsimit. <br /><br />Nuk kemi problem me ministren. Problemi është këtu, çelësi është këtu. Çdo gjë ka një kufi dhe një durim, mos na e mat më shumë pulsin. Po e ritheksoj edhe një herë, nuk do të bësh me studentët, atë që bëre me teatrin. I përçave, ti e di çfarë bëre. Ne nuk na bën dot gjë. Unë kam biçikletë dhe me atë do të qarkulloj. <br /><br />Mos e nënvleftëso fuqinë e studentëve. Nuk janë vetëm ata këtu, janë edhe prindërit, vëllezërit dhe motrat tona si në Shqipëri dhe në diasporë. Ata janë me ne. Përgëzoj në veçanti studentët e Shkodrës që u bashkuan sot me ne. I bëj thirrje kryeministrit, mos u përpiq ta hedhësh fajin gjetkë se nuk e hamë sapunin për djathë. Sapunin për djathë e hanë ata që blihen, ne nuk blihemi. Janë 8 kërkesa dhe e nënta është të heqësh procedime penale. Policia të vijë këtu të më arrestojë po të duan. Kauza ime është në flamur. <br /><br />Ju po na merrni çdo gjë. Unë nuk dua të iki në kurbet. Dua ta ndërtoj të ardhmen time këtu. Dua të rris fëmijët e mi këtu. Kjo nuk është vetëm kauza e studentëve, është kauza e të ardhmes. Mos rrini duke mërmëritur nëpër dhëmbë apo në Facebook. Nuk është atje protesta, protesta është këtu. Ju bëj thirrje nënave dhe prindërve që protesta është këtu.<br />Për më shumë lexoni në: <br />http://www.oranews.tv/article/studenti-rames-nuk-do-besh-me-ne-ate-qe-bere-me-artistet-po-na-merr-cdo-gje-nuk-dorezohemi
