Pas dy urdhrave të rinj të ministrit të Brendshëm, Sandër Lleshaj lidhur me policinë rrugore, gazetari i Report Tv Dricim Caka ka bërë një intervistë me Ekspertin e Sigurisë Rrugore, Gëzim Hoxhën.<br /><br />Në fjalën e tij, Hoxha u shpreh se masat që kishte kërkuar ministri i Brenshëm të merreshin ishin të nevojshme dhe shumë të vonuara pasi polici është kthyer në një stres për drejtuesit e mjeteve në një kohë kur ata duhet të ishin këshillues të tyre dhe parandalues të aksidenteve. <br /><br />Më tej, eksperti rrugor është shprehur se polici rrugor nuk është imun ndaj korrupsionit lidhur me gjobat që vendosen nëpërmjet radarit duke i bërë thirrje ministrit Lleshaj që të kontrollojë shkrepjet e radarëve për gjoba.<br /><br />I bëj thirrje ministrit që të kontrollojë, në 5000 mijë shkrepje ka kanë 5000 lloje gjobash? Sepse sipas informacioneve të mia, polici i fshin nëse e urdhëron eprori. Dikush falet dhe dikush ndërshkohet. A mos vallë këto radarë janë kthyer në arka korrupsioni? <br /><br />Gëzim Hoxha, ekspert i Sigurisë Rrugore<br />Ministri i Brendshëm ka urdhëruar këtë të premte zbatimin e dy masave të prera për qarkullimin rrugor në vend. Kërkon heqjen e postblloqeve policore nga akset kryesore rrugore si dhe dhënien fund të praktikës së dublimit të semaforëve me punonjës policie në kryqëzimet e rrugëve urbane.
