I keni thënë jo dialogut deri më tani, pse?<br /><br />Studenti 1: Sepse nëse do të dialogojmë ai do ta kthejë monedhën siç dëshiron ai.<br /><br />Studenti 2: Ata që do të shkojnë për dialog nuk do të jenë përfaqësuesit tonë asnjëherë.<br /><br />Studenti 3: Zoti kryeministër duhet të mësojë të dialogojë dhe pastaj të vijë të dialogojë me studentët.<br /><br />Sot kryeministri ka postuar një foto ku thotë se ju po përçaheni nga partitë politike, a është e vërtetë kjo?<br /><br />Studenti 1: Nuk është fare e vërtetë kjo sepse ne jemi të bashkuar për një qëllim të vetëm.<br /><br />Studenti 2: Ne përfaqësojmë kauzën e studentit. Kemi dalë këtu si studentë në shesh dhe do ta mbrojmë deri në fund kauzën tonë.<br /><br />Studenti 3: Për mendimin tim nuk është e vërtetë, pasi të gjithë këtu jemi studentë. Siç jam unë janë edhe të tjerët që kërkojnë një arsim më cilësor, tarifa më të ulëta.<br /><br />Studenti 4: Ne nuk kemi asnjë qëllim politik, jemi të pavarur nga të gjitha partitë politike.<br /><br />Studenti 5: Secili ka një bindje politike, por nëse ai nuk e shpreh në këtë protestë, por bashkohet me studentët thjeshtë për të plotësuar 8 kërkesat, atëherë ai është i mirëpritur.<br /><br />Studenti 6: Kauza është e jona dhe do të vazhdojë të jetë e jona.<br /><br />Për sa kohë mendoni se do të vazhdojë bojkoti?<br /><br />Studenti 1: Nuk ka një afat, mund të vazhdojë pa fund.<br /><br />Studenti 2: Ne jemi të vendosur që kauzën tonë ta çojmë deri në fund dhe të arrihet realizimi i kërkesave tona.<br /><br />Studenti 3: Asnjë alternativë tjetër, vetëm protestë deri në realizimin e të gjitha pikave që duan studentët.<br /><br />Studenti 4: Do të vazhdojmë protestën duke bojkotuar mësimin në të gjithë universitetet dhe fakultetet.<br /><br />Studenti 5: Ne jemi për kauzën tonë dhe do të vazhdojmë deri në fund.
