Kryeministri Rama udhëtoi drejt Vlorës për të dialoguar me studentët e Universitetit të Vlorës. Në hyrje u përball me studentët që janë kundër dialogut dhe për plotësimin e menjëhershëm të 8 kërkesave.<br /><br />Për pak momente Kryeministri duket se i bindi disa prej tyre të futeshin në auditor dhe t'ia thoshin dhe në sy kundërshtinë e tyre me mënyrën që ka zgjedhur Rama t'i përgjigjet protestës së tyre.<br /><br />Studentët: "S'ka dialog, ti të mbush mendjen kur je përballë".<br /><br />Rama: "Ju po e çoni protestën për lesh me këtë mënyrë".<br /><br />Por jo të gjithë janë larguar dhe disa prej tyre janë përplasur verbalisht me Kryeministrin.<br /><br />Rama: "Ku i gjete Lekët për iPhone"?<br /><br />Studenti: "E kam fituar në konkurs. Po ti ku i gjete Lekët për shtëpinë në Surrel"?<br /><br />Por pavarësisht debatit, Rama ju premtoi zgjidhje studentëve për tarifat që sipas tij do të kategorizohen. Drejt rrugës së zgjidhjes thotë se është dhe karta e studentëve.<br /><br />Gjithsesi Rama ju thotë studentëve që nga sot çdo kërkesë dhe shqetësim mund ta adresojnë në platformën e bashkëqeverisjes ku është hapur një dritare e veçantë për kuvendimin me të. Nga analiza e këtyre kërkesave, Rama thotë se do dalë dhe pakti për universitetet.<br /><br />Tv Klan
