Policia e Shtetit ka shtuar masat e sigurisë dhe patrullimet për shkak të festave të fundvitit. Albert Dervishaj, drejtori i Rendit Publik në Policinë e Shtetit, në një komunikim për mediat sqaroi planet që janë ndërmarrë për të garantuar sigurinë gjatë ditëve të fundit të këtij muaji.<br /><br />Sipas tij, synohet rritja e sigurisë, parandalimi i ngjarjeve kriminale, mbajtja nën monitorim e personave me rekorde kriminale, rritja e patrullave në akse kryesore rrugore për të parandaluar aksidentet si dhe ndalimi i tregtimit të fishekzjarreve.
