Ky është vetëm një prej sirianëve të shumtë të sistemuar në Qendrën e Azilantëve në Babrru në periferi të Tiranës. Ai ka ardhur prej disa muajsh në vendin tonë, por thotë se dëshiron të qëndrojë këtu për gjithë pjesën e mbetur të jetës së tij.<br /><br />Por ky nuk është i vetmi që nuk e shikon vendin tonë thjesht si një rrugë kalimi për në Europë. Sipas të dhënave zyrtare numri i sirianëve që kërkojnë azil në Shqipëri ka ardhur në rritje nga viti në vit. 2018-ta ka shënuar edhe rekordin me 4095 kërkesa të depozituara deri tani nga vetëm 307 që të regjistruara në 2017-ën. Sirianët e shikojnë Shqipërinë një vend të sigurt për të jetuar, nisur edhe nga toleranca fetare.<br /><br />Por në Qendrën e Azilantëve takon edhe nga ata të rinj që vlerësojnë Shqipërine, por për arsye të ndryshme nuk është ky vendi në të cilin duan të ndalen.<br /><br />Azilantët tregojnë se janë mikëpritur në Shqipëri, ndryshe nga shumë vende europiane që kanë mbyllur kufijtë. Mbyllja e rrugës ballkanike që kalonte nga Bosnja dhe Hungaria u mbyll dhe kjo shtoi fluksin e emigrantëve që kalojnë nga Shqipëria.<br /><br />Shikimi melankolik i Tahas ndriçohet kur ai flet. "Për mua, Shqipëria është si një atdhe i dytë"! Në qendrën e Babrrusë, i riu sirian vërtitet mes shqipes dhe arabishtes për të këshilluar të ardhurit e fundit. "Kam kaluar në disa vende, por këtu ka diçka të ndryshme", thotë ai me siguri. "Shqiptarët nuk të shikojnë si një refugjat, por fillimisht si një qenie njerëzore". Prindërit e Tahas mbetën në Liban, ndërsa për të rrugëtimi ka ndaluar në mënyrë të papritur prej një viti në vendin e vogël të Adriatikut. Me azilin në xhep, Taha shpreson tashmë të bëhet pjesë e ndonjë klubi futbolli të Tiranës.<br /><br />Tv Klan
