Kjo fundjavë e gjeti kreun e qeverisë në terren ku inspektoi nga afër punimet për konviktet e Inxhinierisë të Ndërtimit, një kërkesë kjo e artikuluar së fundmi nga studentët.<br /><br />Rikonstruksioni i tyre u mundësua falë marrëveshjes me qeverinë gjermane dhe gjithçka për 1080 studentët do të jetë gati me nisjen e pranverës.<br /><br />Ndërhyrjet në godina kanë nisur nga struktura e tyre, për të vijuar me dhomat që kanë kushte bashkëkohore, banjo në çdo kat banimi, sistem me ngrohje qëndrore dhe ujë 24 orë në ditë.<br /><br />Ndërsa nga Qyteti Studenti ku do të rindërtohen 9 godina, kryeministri Rama premtoi se qeveria do t?i japë zgjidhje brenda këtij mandati problemeve me strehimin për studentët.<br /><br />Ndërkaq Bashkia e Tiranës do të çelë së shpejti kantierin e rikonstruksionit të disa godinave të tjera.
