Subscribe në Ora News këtu http://bit.ly/1s5j7UT<br />#oranews<br />Një zjarr i fuqishëm përfshiu tregun industrial të qytetit të Laçit.<br /><br />Ngjarja ndodhi rreth orës 05: 30 minuta të së hënës (24 dhjetor 2018), ndërsa fatmirësisht nuk pati përsona të lënduar.<br /><br />Zjarri është shfaqur në pjesën ku tregtoheshin rroba të përdorura dhe më pas është përhapur me shpejtësi në të gjithë tregun.<br /><br />Për shuarjen e flakëve u angazhuan zjarrfikësit e Laçit, Lezhës dhe Krujës.<br /><br />Është dashur më shumë se dy orë punë për vënien nën kontroll të zjarrit, ndërkohë flakët rrezikuan dhe disa biznese të tjera aty pranë.<br /><br />Tregtarët thonë se zjarri ka shkrumbuar gjithçka, duke ju shkaktuar dëme të konsiderueshme. Ata dyshojnë për zjarrvënie të qëllimshme, pasi sipas tyre pronarët e tregut kanë patur konflikt me njëri-tjetrin.<br /><br />Tregtarja: "Ka një muaj rresht që paralajmëron "do t'u vras, do t'u djeg". Çfarë faji kemi ne populli i shkretë që mezi i kemi vënë. Zjarri është i qëllimshëm, e di shteti.Boll kam pas, mbi 7 milion mall. Të tjerët kanë pasur nga 10-15 milion".<br /><br />Tregtari: "Ka pas garantuar ai pronari i vendit që e ruaj unë.Ne nuk kemi pasur asnjë konflikt, por vetë ata vëllezërit pronarë.Mbi 15 milion dëm".<br /><br />Tregtarja: "Kërkoj nga shteti të na ndihmojë, nuk kemi me çfarë të ushqejmë fëmijët. Ne erdhëm me hap mallin dhe pamë zjarrin.Nuk dimë asgjë".<br /><br />Në lidhje me ngjarjen policia ka nisur hetimet, ndërsa janë shoqëruar në komisariat disa persona, mes të cilëve dhe roja i tregut, të cilët po merren në pyetje për të mësuar më teper detaje rreth ngjarjes.<br /><br />Në këtë treg zhvillonin aktivitetin rreth 70 tregtarë nga Laçi, të cilët kishin si burim të ardhurash për familjet e tyre këtë aktivitet.<br /><br /><br />Për më shumë lexoni në: <br />http://oranews.tv/article/zjarr-ne-tregun-industrial-te-lacit-vetem-deme-materiale
