Partia Demokratike ka nxjerrë këtë të hënë të tjera dokumente lidhur projektin e "Unazës së Madhe", duke insistuar në ndryshimin e saj në favor të një projekti të trafikantit të drogës Edmond Bego.<br /><br /> Deputetja e Partisë Demokratike, Jorida Tabaku u shpreh se në këtë "aferë korruptive" nuk gjendet i përfshirë vetëm kryetari i Bashkisë së Tiranës Erion Veliaj dhe kryeministri Edi Rama, por edhe Ministri i Financave dhe Ekonomisë, Arben Ahmetaj. Duke përmendur ndryshimin e planit urbanistik të Tiranës dhe zhvendosjen e lumit Lana, Tabaku ripërmendi se Bego ka lidhur kontratë për ndërtimin e projektit 60 miionë euro në vitin 2017.<br /><br />Më tej, deputetja demokrate akuzoi konkretisht ministrin Ahmetaj për mashtrim ndaj qytetarëve dhe sipas saj, këtë gjë e faktojnë dokumentat zyrtare.<br /><br />Arben Ahmetaj mashtroi qytetarët, kur tha se ministria e drejtuar prej tij nuk ka patur asnjë lidhje me Edmond Begon gjatë procesit të privatizimit të zonës, ku i dënuari me 21 vjet burg për trafik droge do të ndërtojë projektin rezidencial 60 milionë euro. <br /><br />Ndryshe nga sa mashtron Arben Ahmetaj, dokumentat zyrtare provojnë se shitja është kryer për llogari të mikut trafikant droge të Taulant Ballës. <br /><br />Jorida Tabaku, Deputete e Partisë Demokratike<br />Ndërsa zëdhënësja e Partisë Demokratike, Ina Zhupa deklaroi se afera e ka pikënisjen pikërisht nga Ministria e Financave dhe e Ekonomisë.?Afera e projektit 60 milionë euro pranë Unazës së Madhe me ndërtues trafikantin e drogës Edmond Bego, e ka pikënisjen tek Ministria e Arben Ahmetajt?.
