Presidenti Ilir Meta zgjodhi që këtë Krishtlindje krahas urimit për shqiptarët të adresojë një mesazh të veçantë për klasën politike, e cila në këtë ditë feste zgjodhi të pushojë, duke qenë e kursyer edhe me vizitat në institucionet fetare.<br /><br />Teksa ftoi palët të bashkëpunojnë duke pasur si udhërrëfyes modelin e bashkëjetesës fetare në vend, kreu i shtetit uroi që Krishtlindjet e ardhshme të ndezin dritën jeshile për Shqipërinë në rrugën drejt unionit.<br /><br /> ?Është një ditë që na fton të gjithëve të shtojmë urtësinë dhe mençurinë që Krishtlindjet e tjera të na gjejnë jo vetëm më të gëzuar dhe më të bashkuar, por edhe të na gjejnë me negociata të çelura për anëtarësimin në BE.?<br /><br />Ndërsa Kryebashkuaku Erjon Veliaj krahas mesazhit për shqiptarët paralajmëroi se 2019 do të jetë një vit pune për kryeqytetin.<br /><br />Kryeministri Rama zgjodhi që mesazhin e tij të urimit ta japë përmes një videoje në rrjetet sociale me një dedikim kushtuar vogëlushëve të Shtëpisë së Fëmijës.<br /><br />Ndërsa kreu i opozitës, Lulzim Basha urimin drejtuar besimtarëve të krishterë në këtë ditë feste e solli përmes një kartoline.<br /><br />Tv Klan
