TIRANË- Këshilli i Lartë i Prokurorisë nis nga puna duke ngritur katër komisionet të cilat do të planifikojnë nga buxheti i prokurorive deri në disiplinën apo karrierën dhe anën profesionale të hetuesve.<br /><br />Buxheti i është besuar kreut të KLP-s, Genti Ibrahimi të zgjedhur prej pak ditësh në krye të këtij këshilli. Ndërsa katër anëtarët kryesohen nga prokurorja Antoneta Sevdari.<br /><br />Komisioni Disiplinor do të përbëhet nga prokurori karrierës Bujar Sheshi, prokurori Besnik Cani dhe anëtari jo magjistrat Tartar Bazaj, ndërsa zëvendësues do të jenë Gentjan Osmani dhe Nurihan Seiti. <br /><br />Sipas KLP-s, Komisioni i Vlerësimit të Veprimtarisë Etike dhe Profesionale do të përbëhet nga Kryetar Alfred Balla, anëtarë prokurorët Kostaq Beluri dhe Gentjan Osmani si dhe zëvendësues Tartar Bazaj dhe Besnik Cani.<br /><br />Ky komision do të monitorojë veprimtarinë e hetuesve si në sjelljet e tyre imazhin publik qëndrimet apo dhe anën profesionale e cila ka të bëjë me trajnimet.<br /><br />Komisioni i Zhvillimit te Karrierës do të përbëhet nga Sander Beci, Arben Dollapaj, Antoneta Sevdari dhe zëvendësues Bujar Sheshi si dhe Gent lbrahimi.<br /><br />Ndërkohë në mbledhjen e sotme të zbardhur nga Report Tv mësohet se është diskutuar dhe ambineti i zyrave ku do të ushtrojnë funksionet ky këshill si dhe situate ku ndodhen 6 magjistratët prokuror ende të pa emëruar.<br /><br />Mbledhja e sotme u drejtua nga kryetari Gent Ibrahimi dhe gjatë saj u diskutua lidhur me rekrutimin e stafit dhe emërimin e 6 magjistratëve prokurorë dhe mbi zyrat e reja të KLP-së.<br /><br />Pas konstituimit të Këshillit, kryetari Gent Ibrahimi pak ditë më parë në një intervistë në Report TV u shpreh se brenda dy muajve KLP duhet të zgjedhë kryeprokurorin e ri me mandat të plotë si dhe të miratojë ngritjen e SPAK-ut.
