Fadil Kasemi, i cili vrau me armë ish-bashkëshorten e tij gjyqtare Fildez Hafizi, sipas Prokurorisë së Krimeve të Rënda duhet të dënohet më burgim të përjetshëm.<br /><br />Në përfundim të hetimeve për krimin e rëndë që tronditi Tiranën një vit më parë, organi i akuzës ka kërkuar që autori ta vuajë dënimin në një burg të sigurisë së lartë.<br /><br />Ndaj 53-vjeçarit janë ngritur tri akuza, ?Vrasje për shkak të marrëdhënieve familjare?, ?Rrëmbim e mbajtje peng personi? dhe ?Armëmbajtje pa leje?.<br /><br />Në 31 Gusht të vitit 2017 ish-gjyqtarja Hafizi u qëllua me tre plumba nga ish-bashkëshorti teksa po futej në makinën e saj të parkuar në zonën e Xhamllikut.<br /><br />Gjatë seancave të mëparshme gjyqësore, Kasemi kërkoi që të aplikohej gjykimi i shkurtuar, por kjo kërkesë u rrëzua pasi me ndryshimet në Kodin e ri Penal, për krimet në familje nuk pranohet gjykimi shkurtuar.<br /><br />53-vjeçari ka shpjeguar se me ish-gruan ka pasur marrëdhënie shumë të mira, deri në momentin kur ajo fitoi studimet për në shkollën e Magjistraturës në vitin 2015.<br /><br />Tv Klan
