Subscribe në Ora News këtu http://bit.ly/1s5j7UT<br />#oranews<br /><br />Pas organizatave ndërkombëtare, edhe organizatat shqiptare të medias dhe të të drejtave të njeriut i kërkojnë kryeministrit Rama të tërheqë iniciativat ligjore për mediat online.<br /><br />Sipas tyre, dy projektligjet aktuale janë tentativa e katërt në më pak se katër vjet, që synon të krijojë një regjim kontrolli qeveritar mbi mediat.<br /><br />Në letrën që mban firmën e 6 organizatave, thuhet se rojektligjet janë prezantuar për konsultim publik, pa u shoqëruar me një relacion shpjegues mbi nevojën apo jo për ligje të tilla, pa studime të mirëfillta për gjendjen aktuale, pa identifikuar probleme të mundshme dhe pa arsyetuar nevojën e ndërhyrjes dhe masën e saj.<br /><br />"Projektligjet, të cilat synojnë të krijojnë një regjim licencimi, kontrolli, gjobitjeje dhe mbylljeje të faqeve të internetit, i japin hapësira të gjera autoriteteve të kërcënojnë me gjoba disproporcionale dhe me mbyllje, mediat në internet.<br /><br />Organizatat besojnë se të dy projektligjet, në formë dhe në frymë bien ndesh me Kushtetutën e Republikës së Shqipërisë dhe me Të Drejtën Europiane. Ato përbëjnë kufizim krejtësisht të panevojshëm të lirisë së shprehjes e lirisë së medias dhe përmbajnë rrezikun e krijimit të një regjimi policor mbi median në internet.<br /><br />Parë kjo në kuadër të gjendjes aktuale të medias në Shqipëri, me dominimin e "lajmeve" false që shpërndahen nga zyrat e shtypit dhe që prezantohen si informacione të pavarura në median konvencionale, kryesisht televizione, synimi i projektligjeve duket se është vendosja nën kontroll të plotë të informacionit në duart e qeverisë" thuhet më tej në deklaratë.<br /><br />Për më shumë lexoni në: http://oranews.tv/article/paketa-antishpifje-shoqatat-e-medias-kunder-2-projektligjeve-te-qeverise
