TIRANË- Është zbuluar identiteti i autorit të vrasjes së 17-vjeçares, Grisejda Gjikolaj në Laprakë. (LEXO KËTU) Ai është Robert P., 19-vjeç.<br /><br />17-vjeçarja, Griselda Gjikolaj rreth orës 18:45 ndodhej në makinën e të dashurit Erion Benga, 23-vjeç, i cili mbeti i plagosur dhe bashkë me ta edhe një vajzë tjetër ende të paidentifikuar. <br /><br />Report Tv mëson se Erion Benga është konfliktuar me autorin se ky i fundit kishte ngacmuar të Griseldën e cila ishte e dashura e Bengës. 23-vjeçari nën shoqërinë e dy vajzave ndodhej në ambientet e një lokali te blloku "Gintash" ku edhe kanë hasur edhe dy të rinj të tjerë me të cilët ishte në konflikt, një prej të cilëve edhe autori, Robert P. <br /><br />Sapo kanë hipur në një automjet tip "Benz E Class" me targa AA266MS dhe kanë nisur të lëvizin, ata kanë parë autorin. 19-vjeçari nga Puka ka qëlluar menjëherë me armë zjarri në drejtim të shoferit Benga. Por, siç duket edhe nga pamjet e sigururuara nga Report Tv (Lexo këtu), plumbi ka shkuar në xhamin e pasëm të automjetit dhe ka kapur në kokë Griselda Gjikolajn.<br /><br />Në drejtim të automjetit mësohet se është qëlluar katër herë, ndërsa autori, i ndihmuar edhe nga një person tjetër, duke përfituar edhe nga errësira, është larguar me shpejtësi duke humbur gjurmët. Report Tv mëson se policia ka ushtruar kontrolle në banesën e të dyshuarit nga Puka, me banim në Tiranë, por ai nuk është gjetur. <br /><br />Griselda Gjikolajn u dërgua në Spitalin e Traumës në gjendje kritike nga i dashuri i saj gjithashtu i plagosur, por humbi jetën prej plagëve të marra në kokë.
