Duhet të ishin korsi të dedikuara vetëm për të kaluar biçikletat, por nuk ndodh gjithmonë kështu. Po ndodh që edhe vetë ata që përdorin biçikletat, të mos respektojnë rregullat. <br /><br />Janë të shumtë qytetarët e Tiranës që për të shmangur trafikun zgjedhin biçikletën për të arritur sa më shpejt në destinacion. Po megjithë korsitë e reja, ata vijonë të përballen me vështirësi të ndryshme. <br /><br />Me sa duket problemi më i madh i lëvizjes së mjeteve mbetet mosrespektimi i sinjalistikave dhe hapësirave të dedikuara. <br /><br />Sipas të dhënave nga Bashkia e Tiranës, për vitin 2018 janë ndërtuar rreth 12 km korsi të dedikuara dhe po aq janë në plan të ndërtohen edhe në vitin e ardhshëm.
