Prej kohësh, moderatorja Amarda Toska i është përkushtuar familjes dhe biznesit dhe ka qëndruar larg ekranit.<br /><br />Por sot, ajo ishte e ftuara speciale e emisionit ?Xing me Ermalin?. Gjatë emisionit moderatorja ndau me të gjithë një nga momentet më të bukura të lidhjes së saj me Ermal Mamaqin, pikërisht propozimin për martesë.<br /><br />Amarda Toska tha se propozimi ka qenë si nëpër filma, buzë detit dhe me hënën e plotë.<br /><br />Ermal Mamaqi: Propozimin për martesë kush e bëri, ti apo ai?<br /><br />Amarda Toska: Propozimi për martesë ka qenë si nëpër filma në fakt. Çdo vajzë e ëndërron atë propozimin për martesë dhe unë pata fatin ta kem si për filma, buzë detit me hënën e plotë në qiell. Ka qenë natën, unë s?dija asgjë, ka qenë surprizë. Ne kemi qenë jashtë me pushime dhe Ermali kishte menduar çdo gjë. Madje edhe unaza ishte me gurin e shenjës time të horoskopit, rubin, gjë që unë deri atë ditë nuk e dija. E kishte menduar gjatë këtë punë.<br /><br />Ermal Mamaqi: Po më çudit që mbanke mend gjithë historinë.<br /><br />Amarda Toska: Po si se mbaj mend... Kishte përfshirë edhe njerëz të tjerë për ta bërë realitet propozimin./tvklan.al
