Subscribe në Ora News këtu http://bit.ly/1s5j7UT<br />#oranews<br /><br />Përplasjet mes bandave në trafikun e drogës janë pista kryesore që po heton policia në lidhje me vrasjen e tre personave në atentatin mafioz që ndodhi në zonën e Bradasheshit në Elbasan rreth orës 21.15 të së shtunës.<br /><br />Viktimat sipas policisë, janë dy shtetasit shqiptarë Arben Dylgjeri, 56-vjeç, emigrant në Angli, nipi i tij Endri Alibej, 34 vjeç, emigrant në Holandë si dhe shtetasi turk Erdal Dyranay, 51 vjeç.<br /><br />Ata ishin duke udhëtuar me një makinë fuoristradë me targa rumune AG 71 WYP në momentin kur ndaj tyre është qëlluar me breshëri kallashnikovi duke i lënë të vdekur në vend.<br /><br />Vrasja ka ndodhur pak minita pasi tre viktimat dhe familjarë të tyre kishin dalë nga një restorant në zonën e Peqinit.<br /><br />Të dhënat e policisë flasin për katër autorë që kanë ndjekur gjithë lëvizjet e viktimave për disa orë dhe kanë vendosur të realizojnë atentatin në një zonë ku nuk kishte as ndriçim e as kamera në rrugë.<br /><br />Makina e viktimave ka qenë në ecje në momentin e sulmit dhe pas humbjes së jetës së drejtuesit ka dalë nga rruga duke u përplasur me rrethimin e një objekti në anë të rrugës. ndërkaq familjarët e tre personave të ekzekutuar, pesë gra dhe tre fëmijë, nuk kanë pësuar dëmtime pasi ndodheshin në një automjet tjetër disa metra pas fuoristradës me targa rumune që u bë objektiv i sulmit.<br /><br />Për më shumë lexoni në: http://oranews.tv/article/vrasja-ne-elbasan-kokainen-ora-news-siguron-pamjet-e-makines-se-viktimave
