Kryeministri Edi Rama ka bërë të ditur përmes një postimi në rrjetin social "Instagram" se në ditën e parë të vitit 2019 ka shpërndarë çeqet për tre foshnjet e para të lindura gjatë natës së ndërrimit të viteve. <br /><br />Përmbi fotos ku duket sëbashku me njërën nënë që ka sjellë në jetë një nga fëmijët e parë të këtij viti në maternitetin "Koço Gliozheni", Rama ka bërë të ditur se Aleksi, vëllai i dy motrave, si fëmijë i tretë, do të përfitojë 120 mijë lekë të reja.<br /><br />Ndërsa vajza që ka ardhur pas tij, si fëmijë i dytë në familje, do të përfitojë 80 mijë lekë të reja. Sa i takon familjes së tretë që ka sjellë në jetë po një vajzë, do të përfitojë 40 mijë lekë të reja.<br /><br />"Tre të parët kanë ardhur fiks si për të ilustruar politikën e re të Bonusit të Bebes. GEZUAR e me shëndet e mbarësi, të gjitha çifteve të reja e prindërve përsëritës të këtij Viti të Ri", shkruan në fund Rama.
