Subscribe në Ora News këtu http://bit.ly/1s5j7UT<br />#oranews<br />Një krim në familje ka tronditur qytetin e Ballshit pasditen e sotme, në ditën e dytë të Vitit të Ri. <br /><br />34-vjeçari, Gazment Musta, në gjendje të dehur ka vrarë me thikë gruan e tij Gentjana Çaushaj dhe kunatën Merisa Çaushaj (motrën e gruas).<br /><br />Specialistët për Hetimin e Krimeve në Komisariatin e Policisë Mallakastër bënë arrestimin në flagrancë të tij.<br /><br />"Arrestimi i këtij shtetasi u bë pasi dyshohet se në gjendje të dehur, rreth orës 17.30 në banesën e tij në Ballsh, për motive të dobëta, ka vrarë me thikë bashkëshorten e tij, shtetasen G.C, 31 vjeçe si edhe motrën e bashkëshortes, shtetasen M.C, 18 vjeçe, të cilat kanë ndërruar jetë në vend" sqaron policia.<br /><br />Mësohet se Gazment Musta jetonte dhe punonte në Greqi dhe ishte kthyer pranë familjes në Ballsh për festat e fundvitit.<br /><br />Familja jetonte në katin e 5-ë të një pallati në lagjen "5 shkurti".<br /><br />Çifti i bashkëshortëve janë prindër të dy fëmijëve të mitur, një djali 3 vjeç dhe vajzës 7 vjeç.<br /><br />Grupi hetimor po punon për zbardhjen e plotë të kësaj ngjarje.<br /><br />Sherri mes bashkëshortëve që përfundoi në vrasje<br /><br />Nga informacionet paraprake mësohet se kunata 18-vjeçare e Mustës, kishte shkuar në shtëpinë e motrës së saj për të konsumuar një drekë në kuadër edhe të vizitave për Vitin e Ri. <br /><br />Më pas Merisa Çaushaj së bashku me motrën e saj Gentjanën, njëherësh bashkëshortja e Mustës, kanë dashur të shkojnë në shtëpinë e prindërve të tyre. <br /><br />Në konflikt e sipër 34 vjeçari nuk e ka lejuar gruan e tij të largohet dhe më pas situata ka degraduar deri në përdorimin e thikës që la pas dy viktima.<br /><br />Fillimisht i është vërsulur gruas dhe më pas ka ndërhyrë kunata për ti ndarë, e cila është bërë viktima e parë dhe më pas Musta ka goditur dhe gruan.<br /><br />(Në foto: Gazment Musta dhe gruaja e tij Gentjana Çaushaj)<br />Për më shumë lexoni në: <br />http://oranews.tv/article/e-rende-ne-ballsh-burri-vret-me-thike-gruan-dhe-kunaten
