Subscribe në Ora News këtu http://bit.ly/1s5j7UT<br />#oranews<br />Gazmend Musta, i cili u arrestua pasi vrau bashkëshorten dhe motrën e kësaj të fundit vetëm 18 vjeçe ka shprehur pendesë gjatë marrjes në pyetje në komisariatin e policisë së Fierit.<br /><br />Burime nga grupi hetimor bëjnë me dije për gazetaren e Ora News në Fier Inelda Vallja se 34 vjeçari ka pranuar se nuk kishte marrëdhënie të mira me prindërit e bashkëshortes dhe se sherri kishte nisur pasi Gentiana kishte kërkuar që të shkonin për vizitë tek familjarët e saj.<br /><br />Krimi i dyfishtë ndodhi në apartamentin e familjes Musta pasditen e 2 janarit, në katin e pestë të një pallati në lagjen "5 Shkurti". Fqinjët kanë parë autorin me fëmijët dhe u ka tërhequr vëmendjen pasi vajza bërtiste: "Çfarë i bëre mamit!"<br /><br />"Ishte rreth ora 17:00. Djalin e kishte në krah dhe vajzën për dore dhe po dilnin. Gati t'i flisja se çfarë i bënte fëmijës se fëmija bërtiste. Dëgjoja vajzën që i thoshte cfarë i bënte mamit! Mendova se ishin zënë me të shoqen kaq!"<br /><br />Kanë qenë fqinjët që kanë lajmëruar policinë për krimin dhe autori u arrestua në rrugë <br /><br />Ende janë të paqarta shumë momente dhe rrethana që quan në këtë krim të rëndë brenda familjes, ndërkohë që burimet nga grupi hetimor thanë se 34 vjeçari në momentin e marrjes në pyetje nuk ka qenë në dijeni se kishte vrarë bashkëshorten e tij duke e menduar se vetëme kishte plagosur<br /><br />"Ma shikoni pak gruan a është më mirë?" Mësohet tu ketë thënë Gazmendi policëve.<br /><br />Sherri mes bashkëshortëve që përfundoi në vrasje<br /><br />Këtë të mërkurë në familjen e tyre kishte ardhur Merisa, motra 18 vjeçare e bashkëshortes Gentiana Çaushaj, për festat e fundvitit.<br /><br />Sipas burimeve debati ka nisur kur bashkëshortja i ka kërkuar 34-vjeçarit që të shkonte pranë familjes së saj bashkë me të motrën.<br /><br />Kjo kërkesë sipas të dhënave të para ka ndezur debatin, ndërsa 34-vjeçari nën ndikimin e alkoolit, ka qëlluar me thikë fillimisht kunatën, e cila kishte ndërhyrë për ti qetësuar, e më pas bashkëshorten e tij.<br /><br />Krimi i rëndë ndodhi në sy të dy fëmijëve të mitur 3 dhe 7 vjeç, djalë e vajzë të familjes Musta.<br /><br />Sot Gentiana dhe Merisa Caushi do të përcillen për në banesën e fundit nga shtëpia e tyre në fshatin Drenovë, ndersa 34 vjeçari ishte me origjine nga Drenova.<br />Për më shumë lexoni në: <br />http://oranews.tv/article/fqinjet-degjuan-vajzen-ti-bertiste-te-atit-cfare-i-bere-mamit
