Subscribe në Ora News këtu http://bit.ly/1s5j7UT<br />#oranews<br />3 kilometra larg qytetit, banorët e fshatit Metoq, në Sarandë përballen me mungesën e infrastrukturës rrugore.<br /><br />Rruga e amortizuar, me gropa në çdo segment të saj, bëhet e vështirë për tu kaluar në dimër.<br /><br />Por ky duket se nuk është problemi më i madh për banorët, pasi siç shprehen ata, rrezikojnë çdo ditë jetën nga rruga e ngushtë e cila nuk të lejon pamje të qartë për automjetet që vijnë.<br /><br />" Na u prishën makinat, jo vetëm mua po gjithë lagjes".<br /><br />"Nga xhadeja deri te thertorja ka shumë probleme se do të vriten njerëzit kot. Pse do të vriten, se është pjesa ime. Ta kem zënë dhe unë, ta prishin".<br /><br />"E patëm të rregullt dhe na e prishën, na e bënë gropa-gropa, thyejmë qafën".<br /><br />Hera e fundit që është investuar për rehabilitimin e rrugës është rreth 10 vjet më parë.<br /><br />Segmenti që të çon në thertoren e fshatit për ta është më problematiku.<br /><br />Sinjalistika mungon tërësisht, ndërsa shpejtësia e automjeteve jo pak herë u ka rrezikuar jetën, sidomos fëmijëve që shkojnë në shkollë apo që luajnë.<br /><br />Në fshatin Metoq edhe rrjeti i kanalizimeve nuk funksionon, teksa ujërat e zeza janë përpara oborreve të banorëve.<br /><br />"Kjo rrugë këtu është braktisur nga bashkia, nga këta këtu që vazhduan rrugën kryesore. Na kanë kthyer kanalet e ujërave të zeza dhe ujërat e bardha na i kanë kaluar këtu".<br /><br />Infrastruktura rrugore nuk është një problem i ri për fshatrat afër Sarandës, banorët jashtë kamerës nuk shprehen optimist për ndryshimin e gjendjes së rrugës.<br /><br />Banorët e fshatit që ndodhet fare pranë qytetit përballen me mungesën e sinjalistikës rrugore, gropat dhe erën e ujërave të zeza.<br />Për më shumë lexoni në: <br />http://oranews.tv/article/fshati-pa-rruge-dhe-pse-3-km-larg-qytetit-te-sarandes
