Subscribe në Ora News këtu http://bit.ly/1s5j7UT<br />#oranews<br />Reshjet e dëborës që kanë mbuluar pjesën më të madhe të vendit, po mbajnë të mbërthyer edhe veriun. <br /><br />Malësia e mbishkodres ndodhet nën ?pushtetin? e borës që ka zbardhur zona të tëra duke krijuar probleme në qarkullimin rrugor. <br /><br />Sipas të dhënave të shtabit të emergjencave civile, vështirësi në qarkullim paraqet rruga në drejtim të Dukagjinit nga Mali i Shoshit ku këshillohet përdorimi i zinxhirëve, ndërsa Qafa e Thores deri në Theth është thuajse e pakalueshme. <br /><br />Edhe Iballa në rrethin e Pukës ka probleme në qarkullim e ku rekomandohet përdorimi i zinxhireve dhe vetëm mjetet e larta, pasi trashësia e madhe e borës e bën të pakalueshme për mjetet e tjera. Me zinxhir kalohet edhe Fushë ? Arrëzi, ndërsa probleme ka edhe në drejtim të Kelmendit. <br /><br />Megjithatë zyrtarisht emergjencat civile deklarojnë se të gjitha rrugët që lidhin bashkitë me njera ? tjetrën dhe bashkitë me njësitë administrative, janë të hapura dhe kryhet komunikim.<br /><br />Situata po mbahet nën kontroll dhe për cdo problematikë që do të paraqitet, janë përcaktuar grupet e punës ne gatishmëri që të ndërhyjnë, qoftë firmat e kontraktuara me fadroma, ashtu edhe për rastet e emergjencave shëndetesore. <br /><br />Sa i përket furnizimit me energji elektrike në disa fshatra ka patur shkëputje, ku rrjeti i amortizuar dhe ngarkesat kanë bërë që të stakohen linjat, por OSHEE ka deklaruar se pas cdo sinjalizimi, në terren ndërhyjnë grupet e punës. <br /><br />Raportimi tek shtabi i emergjencave është kryer në nivel bashkie, nga të gjitha njësitë e veriut përfshirë Shkodrën, Malësine e Madhe, Pukën dhe Fushë Arrëzin, që kanë edhe problemet më të mëdha me reshjet e borës. <br /><br />Edhe për 72 orët e ardhshme është kërkuar gatishmëri, për shkak se termometri do të shënojë disa gradë nen zero.<br />Për më shumë lexoni në: <br />http://oranews.tv/article/bora-mberthen-veriun-malesia-e-mbishkodres-nen-pushtetin-e-bores
