Subscribe në Ora News këtu http://bit.ly/1s5j7UT<br />#oranews<br />Pasi kaluan festat e fundvitit me familjarët dhe të afërmit e tyre, emigrantët shqiptarë, maqedonas dhe kosovarë po kthehen ne vendet e tyre ku jetojnë e punojnë prej vitesh përtej Adriatikut.<br /><br />Sikurse para festave, tragetet tashmë po bëjnë disa herë rrugë vajtje-ardhje drejt porteve italiane, me qëllim përballimin e fluksit të lartë të pasagjerëve.<br /><br />Sipas të dhënave zyrtare në 48 orët e fundit drejt brigjeve italiane kanë udhëtuar pesë tragete, me rreth 2700 udhëtarë.<br /><br />Burime nga Qendra e Informacionit, bëjnë me dije se katër nga tragetet kanë lundruar drejt Barit, ndërsa i fundit drejt portit të Ankonës.<br /><br />Gjatë ditëve në vazhdim pritet një rritje e numrit të udhëtarëve dhe automjeteve që do të shfrytëzojnë lundrimin me tragete, kryesisht drejt Barit dhe Ankonës.<br /><br />Siç dihet tashmë, pika kufitare e portit të Durrësit shfrytëzohet edhe si pikë transiti edhe nga shtetasit kosovarë dhe ata maqedonas, si dhe për transport mallrash për vende të ndryshme të Ballkanit. <br /><br />Ndërkohë emigrantët po largohen edhe në pikat kufitare tokësore në Kapshticë e Kakavijë. Në Kapshticë vetëm në datën 3 janar kanë dalë rreth 2300 shtetas shqiptarë dhe të huaj. Ndërsa në Kakavijë kanë dalë rreth 7500 shtetas shqiptarë dhe të huaj, ndërsa kanë hyrë rreth 3500 shtetas.<br />Për më shumë lexoni në: <br />http://oranews.tv/article/fluks-emigrantesh-ne-pikat-kufitare
