Subscribe në Ora News këtu http://bit.ly/1s5j7UT<br />#oranews<br />Seancat dëgjimore të vettingut nisen këtë vit me kryetarin e gjykatës së Sarandës, Alltun Çela, i cili mesa duket do ta kete veshtirë ta kalojë fazën e parë të kontrollit.<br /><br />Trupa gjykuese e përbërë nga Pamela Qirko, Xhensila Pine dhe Genta Tafa Bungo gjatë kontrollit te figurës së tij, ka nxjerrë probleme në të tre shtylla e vlerësimit për gjyqtarin kryesisht me pasurinë por probleme jane kostatuar edhe ne itegritetin e gjyqtarit dhe ne aftesitë profesionale.<br /><br />Çela rezulton të këtë në pronësi një shtëpi banimi si dhe tokë are ullishtë, ku janë të mbjellë mbi 50 rrënjë ullinj të vjetër si edhe 250 rrënjë ullinj e agrume. <br /><br />Në 1995-n, gjyqtari ka deklaruar se ka përshtatur për banim një ish-fabrikë biskotash, por për KPK-në është e paqartë se si subjekti e ka përshtatur për banim pa e siguruar pronësinë. Problematik u vlerësua edhe raporti i Drejtorisë së Sigurimit të Informacionit të Klasifikuar, i cili vlerëson se Alltun Çela është i papërshtatshëm për të qenë gjyqtar.<br /><br />Nga ana e tij kryegjyqtari i Sarandës ka kërkuar që DSKI-ja të japë prova që është i papërshtatshëm dhe të mos i referohet letrave anonime.<br /><br />Alltun Çela drejton Gjykatën e Sarandës prej vitit 2008, ndërsa u rikonfirmua në këtë detyrë edhe në vitin 2014. Vendimi nga ana e Komisionit të Pavarur të Kualifikimit në lidhje me gjyqtarin do te jete ne 8 janar.<br />Për më shumë lexoni në: <br />http://oranews.tv/article/skeda-e-pasurise-se-deklaruar-e-alltun-celes-kryetar-i-gjykates-se-sarandes
