Temperaturat janë ulur ndjeshëm duke arritur në disa zona të juglindjes deri në -13 gradë. Prej disa ditësh janë të izoluara disa fshatra në zonën e Mokrës në Pogradec, në Bashkinë e Korçës, Kolonjës , Maliqit dhe Devollit.<br /><br />Në kohën kur temperaturat shënonin -13?, një person u gjet i pajetë në rrugën rruga e fshatit Ravonik të Korçës. Dyshohet se 55-vjeçari Jani Poda humbi jetën nga një atak kardiak si pasojë e të ftohtit, teksa po lëvizte me biçikletë për të shkuar në punë.<br /><br />Rrugët nacionale të qarkut të Korçës janë të hapura, por nga policia këshillohet të tregohet kujdes për shkak të pranisë së shtresave të akullit.<br /><br />Me zinxhirë lëvizet drejt destinancioneve turistike siç janë Dardha dhe Voskopoja. Edhe në Tepelenë reshjet e dëborës kanë izoluar zonën e Kurveleshit dhe fshatin Golem.<br /><br />Në Frashër të Përmetit dhe në Bashkinë e Këlcyrës rrugët që lidhin fshatrat me qytetet qarkullohen vetëm me zinxhirë. Ngrica ka edhe në qafën e Llogarasë ndaj të gjitha mjetet duhet të jenë të pajisura me zinxhirë. Katër borëpastruese dhe dy kamionë të rëndë janë angazhuar për hedhjen e kripës.<br />Ndërsa në veri dhe verilindje ka një përmirësim të situatës. Në Rrugën e Kombit lëvizet pa zinxhirë. Bashkia ka ndërhyrë në rrugët Kukës-Shishtavec dhe fshatrat e Njësisë Administrative Zapod. Të bllokuara mbeten Arrni e Grykëcaja. Temperaturat kanë shënuar deri në minus 5 gradë.<br /><br />Në qarkun e Dibrës gjatë orëve të fundit kanë munguar reshjet e dëborës, por temperaturat kanë pësuar rënie të ndjeshme. Në njësitë administrative Lurë, fshatrat e Selishtës, Sllovës, Ostrenit, Krastës dhe Xibrit mund të qarkullohet vetëm me makina të larta.<br /><br />Tv Klan
