Subscribe në Ora News këtu http://bit.ly/1s5j7UT<br />#oranews<br />Viti 2018 vlerësohet ndër më problematikët në dekadën e fundit përsa i përket vonesës në fluturime. Linjat që operojnë me Italinë kanë pasur vonesat më të mëdha, ndërsa kompania me numër rekord vonesash dhe anulimesh është ?Fly Ernest?. Autoriteti i Aviacionit Civil bën me dije se gjatë këtij viti do të marrin kompensim 1.900 qytetarë për vonesat.<br /><br />Qytetarët që kanë udhëtuar gjatë 2018 janë ndeshur me vonesa të shumta të fluturimeve në Aeroportin "Nënë Tereza".<br /><br />Autoriteti i Aviacionit Civil në raportin e fundit thekson se viti që lamë pas konsiderohet si më problematiku në dekadën e fundit.<br /><br />Shkaqet kryesore lidhen me mungesën e kapaciteteve, operimit dhe problemeve teknike apo grevat e shumta në veçanti të disa kompanive ajrore.<br /><br />?Fly Ernest? vlerësohet kompania më problematike për 2018, me numër rekord vonesash dhe anulime përkatësisht 72 vonesa, në shumë raste mbi 6 orë dhe 14 anulime.<br /><br />Nisur nga këto vonesa, 2 mijë qytetarë kanë plotësuar formularë me anë të cilëve kërkojnë kompesim.<br /><br />Sipas të dhënave të Autoritetit Civil, kompanitë kanë pranuar të kompensojnë 1200 pasagjerë, ndërsa 700 janë kompensuar me 250 euro.<br /><br />Kompania ?Blue Panorama?, është kompania më korrekte përsa i përket kompensimit të pasagjerëve me një shifër që shkon në 500 kompensime.<br /><br />Ndërkohë problem mbetet kompania ?Fly Ernest?, e cila pavarësisht se renditet si kompania më problematike për shkak të vonesave apo anulimit të fluturimeve, ka kryer vetëm 96 të tilla.<br /><br />AAC i bën thirrje të gjithë pasagjerëve që kanë plotësuar formularët e ankimimit dhe u ka kaluar afati prej 6 javësh, që të rikontaktojnë përsëri kompanitë ajrore që kanë patur fluturimin për tu njohur me statusin e fluturimit të tyre.<br /><br />Në rast se kompania nuk i kthen asnjë përgjigje, atëherë të kontaktojnë me sektorin e të Drejtave të Pasagjerit të Autoritetit të Aviacionit Civil.<br />Për më shumë lexoni në: <br />http://oranews.tv/article/vonesat-ne-fluturime-fly-ernest-kompania-me-problematike-2018
