Subscribe në Ora News këtu http://bit.ly/1s5j7UT<br />#oranews<br />Pas ngritjes së Këshillit të Lartë të Prokurorisë dhe Këshillit të Lartë Gjyqësor, institucionet e reja që pritet të ngrihen janë edhe Gjykata Antikorrupsion dhe Prokuroria e Posaçme. Gjyqtarët aktualë të Krimeve të Rënda kanë afat deri ne 12 shkurt për të dhënë pëlqimin nëse duhet të kalojnë apo jo në Gjykatën e Posaçme.<br /><br />Pas vendimit të Këshillit të Lartë Gjyqësor, Gjykata e Krimeve të Rënda ka nisur procesin e transformimit në Gjykatën Antikorrupsion.<br /><br />Sipas Kushtetutës, Gjykata e re duhet të konstituohet dy muaj nga ngritja e Këshillit të Lartë Gjyqësor.<br /><br />Në dispozitat kalimtare është parashikuar se fillimisht në këtë gjykatë do të kalojnë gjyqtarët aktualë të Krimeve të Rënda, të cilët kanë afat deri në 12 shkurt për të dhënë pëlqimin e tyre për të kaluar në gjyqtarë në SPAK.<br /><br />Nëse pranojnë, ata marrin një emërim provizor për këtë gjykatë deri në formimin e gjykatës së re.<br /><br />Por dhënia e pëlqimit nga ana e këtyre gjyqtarëve do të thotë se ata dhe familjarët e tyre do të jenë në një regjim të rreptë kontrolli dhe mbikqyrjeje, që nga rishikimi periodik i llogarive të tyre financiare dhe deri te kontrolli i komunikimeve vetjake.<br /><br />Pra ata duhet të nënshkruajnë një deklarate, sipas të cilës ata dhe anëtarë të afërt të familjes së tyre pranojnë kushtet për të qenë nën mbikqyrje.<br /><br />Pas këtij momenti, në këtë gjykatë do të shqyrtohen vetëm dosjet e krimit të organizuar e të korrupsionit, ndërsa dosjet e tjera përfshi trafiqet apo vrasjet, do ti kalojnë gjykatave të rretheve.<br /><br />Por pavarësisht kësaj procedure, Gjykata Antikorrupsion nuk mund të funksionojë si e tillë pa u ngritur dhe konstituar edhe Prokuroria e Posaçme, SPAK.<br /><br /><br />Për më shumë lexoni në: <br />http://oranews.tv/article/gjykata-e-krimeve-te-renda-drejt-transformimit
