Ditën e sotme, besimtarët e krishterë kanë kremtuar ?Ditën e Ujit të Bekuar?, e cila simbolizon ditën kur Jezusi u pagëzua në ujërat e lumit Jordan nga Gjon Pagëzori.<br /><br />Si traditë, të rinjtë mblidhen në një urë dhe në garë me njëri-tjetrin dhe duke sfiduar temperaturat e ulta të janarit tentojnë që të kapin kryqin që hidhet në ujë.<br /><br />BERAT<br /><br />Në qytetin e Beratit, në ujrat e lumit Osum janë hedhur 15 të rinj, por kryqi është kapur nga një 16-vjeçar nga lagjia Goricë, Kostandin Musha.<br /><br />Siç edhe ndodh çdo vit, për të riun që kap Kryqin e Ujit të Bekuar,Kisha dhe Mitropolia i dhurojnë në shenjë simbolike 500 mijë lekë (të vjetra) dhe ai me kryqin në dorë shkon në çdo shtëpi të lagjeve: Goricë,Mangalem e Kala, ku banorët i japin para për kryqin e bekuar që mban në dorë i riu.<br /><br />Pas hedhjes së kryqit,të gjithë besimtarët e krishterë beratas, i drejtohen sërish Kishës së Shën Dhimitrit, për të mbushur bidona me ujë të bekuar, të cilin e marrin në shtëpi. Ata besojnë se ky ujë shërben për të shëruar shpirtrat dhe trupin,dhe pihet sa herë që janë të sëmurë.<br /><br /><br /> <br />LUSHNJE<br /><br />Dita ?Ujit të bekuar? është festuar edhe nga besimtarët e kishës së ?Shën Dhimitrit? në Mazhaj të Lushnjes.<br /><br />Kanë qënë tre të rinj ata që kanë sfiduar të ftohtin e acartë dhe kanë tentuar të kapin kryqin, por për të katërtin vit radhasi objekti i shenjtë është kapur nga Bleon Nushi.<br /><br /><br /> <br />FIER<br /><br />Në qytetin e Fierit besimtaret ortodokes paraditen e sotme kanë festuar ditën e ujit. Me këtë rast kisha e Shën Gjergjit e këtij qyteti ka organizuar hedhjen e kryqit në ujë. Disa të rinj sipas zakonit kanë sfiduar të ftohtin dhe janë hedhur në ujë kur është hedhur kryqi, të motivuar me fitoren e trofeut dhe më pas shpërblimin. Ka qënë 15-vjeçari, Athanas Davidi ai që ka nxjerrë kryqin nga uji për të pestin vit radhazi.<br /><br /><br /> <br />ELBASAN<br /><br />Edhe në qytetin e Elbasanit është festuar dita e ujit të bekuar. Kanë qenë dy të rinj që janë hedhur për të kapur kryqin, ku 19-vjeçari Aleksandro Llozi ka qenë ai që ka kapur kryqin. Pas këtij rituali të gjithë besimtarët kanë marrë me vete nga një shishe të mbushur nga uji i bekuar ku është hedhur edhe kryqi.<br /><br /><br /> <br />VLORË<br /><br />Kremtimi i 6 janarit në Vlorë, festa fetare e simbolizuar me hedhjen e kryqit në det, tre persona kanë sfiduar njëri-tjetrin në det për të kapur kryqin. Altin Qirjo, i ardhur me pushime nga Gjermania, ka qënë personi i cili ka arritur të kapë kryqin në ujrat e ftohta të detit.<br /><br /><br /> <br />SARANDË<br /><br />Festa e ?Theofania? është festuar edhe në Sarandë. Ndryshe nga qytetet që kanë liqene apo lumenj Saranda tradicionalisht hedhjen e kryqit e zhvillon në detin Jon. Mes disa të rinjve që u hodhën në det për të marrë kryqin duke sfiduar temperaturat e ulëta, fituesi për të gjashtin vit radhasi ishte Kristaq Qose.<br /><br /><br /> <br />KORÇË<br /><br />Edhe qyteti i Korçës nuk e ka harruar traditën e hedhjes së kryqit. Këtë vit ai është kapur nga Ronaldo Kovaçi. Mitropoliti i Korçës, Imzot Joani ka përcjellë mesazhin e harmonisë dhe paqes mes njëri-tjetrit në këtë fillim viti.<br /><br />Përveç hedhj...
