Për shkak të moti të keq, erës së fortë dhe detit të trazuar është pezulluar përkohësisht lundrimi dhe dy tragetet e linjës Bari ? Durrës pritet të mbërrijnë me vonesë gjatë ditës së sotme në portin e Durrësit.<br /><br />Burime nga Qendra e Informacionit në APD, bënë të ditur se era me drejtim nga veri-lindja dhe me shpejtësi rreth 45 km/orë ka shkaktuar vonesa në lundrimin e dy trageteve nga Bari drejt Durrësit.<br /><br />Nga burimet mësohet se njëri nga tragetet pritet të mbërrijë në Durrës rreth orës 13.00, dhe tjetri parashikohet të jetë në port rreth orës 16.00.<br /><br />Ndërkohë,era e fortë në pjesën jugore të Adriatikut në javët e fundit ka krijuar disa herë vonesa gjatë lundrimit të trageteve drejt Durrësit dhe anasjelltas.
