Teksa një pjesë e studentëve braktisën auditoret për të protestuar para kryeministrisë, të tjerë refuzuan të bojkotojnë mësimin. Në Universitetin e Mjekësisë mësimi këtë të hënë u zhvillua normalisht për vitet e para, madje filloi të zbatohet edhe vendmi i qeverisë për uljen e tarifave të studentëve<br /><br />Jemi në Fakultetin e Gjeologji Minierave dhe të vetmit që kanë zhvilluar procesin mësimor të rregullt janë studentët e masterit shkencor.<br /><br />?Po sigurisht masterat kishin mësim dhe e zhvilluan, nuk e di për studentët e tjerë, por ne që ishim master shkencor ishim të rregullt, nga 10 që jemi ne në grup, 8 ishin në total në mësim, pjesa më e madhe ishte?, tha një studente.<br /><br />Ndonëse të paktë në numër edhe studentët e shkencave të natyrës kanë zgjedhur të zhvillojnë orë mësimi në auditorët e fakulteteve, kryesisht ata janë të viteve të para.<br /><br />?Po rregullisht, 4 orë seminar siç kemi orarin. Kanë qene të gjithë në seminar, po?, tha një studente.<br /><br />?Jam dega matematik, master shkencor AML, disa studentë kanë ardhur, kanë marrë urdhër nga familja dhe nuk duan ta bojkotojnë mësimin, por në përgjithësi nëse shihen numri i studentëve që janë në mësim me ata që kanë bojkotuar mësimin, shifrat flasin vetë?, tha një student.<br /><br />Në paktin për Universitetin qeveria përfshiu financim 100% nga buxheti i shtetit për studentët e nivelit të parë të studimeve Bachelor që vijnë nga familje me ndihmë ekonomike, të verbrit dhe studentët paraplegjikë e tetraplegjikë.<br /><br />Tv Klan
