Besimi në ekonomi ka rënë me 1.2 pikë përqindje në pjesën e fundit të vitit që lamë pas.<br /><br />Banka e Shqipërisë ka publikuar raportin e hartuar në bashkëpunimin me Komisionin Europian, ku vërehet se sektorët kryesorë të ekonomisë janë shprehur pesimistë lidhur me aktivitetin e tyre.<br /><br />Besimi i bizneseve në degën e industrisë ra me 0.3 % i prekur nga dy faktorë kryesorë: gjendja financiare dhe norma e shfrytëzimit të kapaciteteve.<br /><br />Sektori i shërbimeve tregoi një rënie të besimit me 3.4 % , duke vazhduar tendencën rënëse për disa muaj me radhë. Sipërmarrësit në këtë sektor kanë evidentuar si shkak kryesor rënien e kërkesës në treg dhe pritshmërinë për kontrata në të ardhmen.<br /><br />Tregtia është dega që ka rënien më të madhe në fundin e vitit, ku ecuria e biznesit ka një rënie të besimit me 4.4 pikë përqindje dhe punësimi në këtë sektor ra me 6 pikë përqindje.<br /><br />Por në kah të kundërt me këta sektorë qëndron ndërtimi, i cili shfaq një rritje të porosive që janë bërë nga klientët dhe po ashtu rezulton dhe me rritje të aktivitetit ndërtues.<br /><br />Konsumatorët janë shfaqur me optimistë në fund të vitit sa i takon situatës së të ardhurave dhe blerjeve të mëdha që kanë bërë, por kanë një perceptim negativ lidhur me situatën e përgjithshme ekonomike në vend.<br /><br />Tv Klan
