Subscribe në Ora News këtu http://bit.ly/1s5j7UT<br />#oranews<br /><br />Struktura e Posaçme Antikorrupsion është organi që tremb gjithë politikanët dhe njerëzit e pushtetshëm, por gjithashtu tremb dhe vetë prokurorët që do jenë pjesë e saj. Pasi marrin këtë detyrë, prokurorët heqin dorë nga privatësia duke nënshkruar një formular ku pranojnë t?u kontrollohet llogaria bankare, telefonatat dhe informacioni deri tek kushëriri i katërt.<br /><br />15 prokurorët e Strukturës së Posaçme Antikorrupsion përveç trajtimit special që do të marrin, do të heqin dorë me vetëdije pothuajse nga gjithë privatësia e tyre.<br /><br />Me dëshirën e tyre, ata duhet t?i nënshtrohen kontrollit të pasurisë dhe figurës, duhet të japin pëlqimin për kontrollin periodik të llogarive të tyre bankare dhe kontrollit të telefonit.<br /><br />Këtij kontrolli do t'i nënshtrohen edhe familjarët e afërt, të cilët edhe ata duhet të japin pëlqimin e tyre.<br /><br />Për të kandiduar për një vend si prokuror në Prokurorinë e Posaçme, aplikuesi duhet të plotësojë disa formularë.<br /><br />Përveç gjeneraliteteve të tij dhe familjarëve të tij, ai duhet të deklarojë edhe të dhëna për vëllezërit, motrat, nipër dhe mbesa, gjyshërit, tezet, hallat, dajet apo xhaxhallarët e deri të kushërinjtë e dytë.<br /><br />Për këta, aplikuesi duhet të deklarojë emrin e plotë, datëlindjen, vendlindjen, adresën dhe ku punon.<br /><br />Për më shumë lexoni në: http://oranews.tv/article/ferri-i-spak-15-prokuroret-duhet-te-heqin-dore-nga-jeta-private
