Subscribe në Ora News këtu http://bit.ly/1s5j7UT<br />#oranews<br />Hetimet për tritolvënien në shtyllën e tensionit të lartë në Fushë Krujë po ndiqen nga agjentët e anti-terrorit, por ngjarja që rrezikoi të lërë pa energji gjysmën e Shqipërisë ende nuk ka autorë. 10 persona janë shoqëruar, por që të gjithë janë lënë të lirë pasi janë marrë në pyetje.<br /><br />Vendosja e eksplozivit në shtyllën e tensionit të lartë Tiranë2- Podgoricë, duke rrezikuar të lërë pa energji gjysmën e vendit po hetohet si akt terrorist nga policia.<br /><br />Agjentët e anti-terrorit në bashkëpunim me Policinë e Krujës, kanë shoqëruar mbi 10 persona në lidhje me tritol vënien në linjën e rëndësisë së veçantë.<br /><br />Ata ishin kryesisht persona me precedentë penalë dhe të skeduar për ngjarje të ngjashme edhe në të shkuarën. Por pasi janë marrë në pyetje të gjithë janë lënë të lirë.<br /><br />Policia ende nuk ka një të dyshuar për tritolvënien në shtyllën e tensionit të lartë.<br /><br />Hetimi dhe identifikimi i autorëve është i vështirë edhe për shkak të faktit se ngjarja ka ndodhur në një zonë malore dhe nuk ka dëshmitarë okularë.<br /><br />Burime nga grupi hetimor thanë për Ora News se me vendosjen e lëndës plasëse në shtyllën e tensionit të lartë, autorët kanë tentuar të destabilizojnë rendin dhe sigurinë publike.<br /><br />Sipas policisë, sasia e eksplozivit ishte vendosur në një prej këmbëve të shtyllës 58 të linjës 400 KV të linjës Tiranë2- Podgoricë.<br /><br />Sipas Operatorit të Sistemit të Transmetimit në këtë linjë injektohet fluks energjie që përbën gati 50 % të konsumit në të gjithë vendin.<br /><br />OST mori masa përmes njësive speciale, duke ndërhyrë dhe riparuar dëmtimin për të shmangur pasojat në furnizimin me energji.<br /><br />Ky nuk është rasti i parë që shtyllave të tensionit të lartë u vendoset eksploziv, kryesisht atyre që ndodhen në zonën e Fushë Krujës. Rasti më i fundit u shënua në vitin 2014, në fshatin Halilaj.<br />Për më shumë lexoni në: <br />http://oranews.tv/article/disa-te-shoqeruar-por-asnje-i-dyshuar-hedhjen-ne-ere-te-shtylles-se-tensionit-te-larte
