Subscribe në Ora News këtu http://bit.ly/1s5j7UT<br />#oranews<br />Partia Demokratike akuzon kryeministrin Edi Rama se ka gënjyer me pasurinë e deklaruar që në momentin që mori detyrën e kreut të qeverisë.<br /><br />Deputetja, Orjola Pampuri, publikoi një dokument që sipas PD-së tregon të ardhurat e deklaruara deri në 100 milion lekë të çiftit kryeministror, shumë herë më pak se kostot e banesës.<br /><br />Pampuri: Faktet janë e zeza mbi të bardhë në deklaratën e tij të pasurisë. Çifti kryeministror nuk ka deklaruar aq të ardhura, sa të justifikojnë ndërtimin e një shtëpie superluksoze me vlerë 400 milionë lekë. <br /><br />Partia Demokratike po publikon sot dokumentet zyrtare që provojnë se të ardhurat e deklaruara të Edi Ramës dhe të të ardhurat e gruas së tij nuk kalojnë vlerën e 100 milionë lekëve dhe nuk justifikojnë dot vlerën 400 milion lekë të shtëpisë në Surrel. <br /><br />Në vitin 2011, përpara nisjes së ndërtimit të shtëpisë, Edi dhe Linda Rama kanë deklaruar se, të dy bashke, zotërojnë rreth 80 milionë lekë. <br /><br />Në vitin 2012, Edi Rama ndërton shtëpinë e tij në Surrel dhe, kur mori detyrën e kryeministrit një vit më vonë, deklaron se ka shpenzuar plot 400 milion lekë për ndërtimin e saj, pra plot 5 herë më shumë sesa kursimet që kishte gjendje çifti Rama.<br /><br />Prej ditësh, Partia Demokratike ka akuzuar kryeministrin Edi Rama për mungesë transparence në deklarimin e pasurisë.<br />Për më shumë lexoni në: <br />http://oranews.tv/article/shtepia-ne-surrel-pd-publikon-dokumentet-e-deklarimit-te-pasurise-se-kryeministrit
