Subscribe në Ora News këtu http://bit.ly/1s5j7UT<br />#oranews<br />Reshjet e borës janë rikthyer në Kukës. Ato nisën pas mesnate dhe intensiteti i tyre u shtua gjatë ditës së sotme.<br /><br />Lartësia e borës në qytetin e Kukësit ëshë mbi 15 cm, ndërsa në zonat e thella arrin deri në 40 cm.<br /><br />Dëbora ka krijuar probleme në aksin rrugor Kukës-Bicaj, pjesë e rrugës nacionale Kukës-Peshkopi.<br /><br />Rruga sipas drejtuesve të automjeteve kalohet me shumë vështirësi dhe me zinxhirë për shkak se nuk ka borëpastruese për të pastruar rrugën e për të hedhur kripë.<br /><br />Përveç këtij aksi, probleme nga dëbora janë krijuar edhe në rrugët Kukës-Bushtricë dhe Kukës-Shishtavec.<br /><br />Sipas kreut të Këshillit të Qarkut të Kukës, Abedin Oruçi, i cili inspektoi në terren gjendjen e tyre në këto dy rrugë ka prezencë të theksuar dëbore.<br /><br />Sa i përket vijimit të procesit mësimor, DAR Kukës bëjnë me dije se procesi mësimor vijon i rregullt, por me orë të reduktuara.<br /><br />Ndërkohë mjetet e makineritë e kompanive sipërmarrëse dhe të Bashkisë janë në terren për të mbajtur situatën nën kontroll dhe rrugët e qarkullueshme.<br /><br />Energjia elektrike ka patur ndërprerje vetëm me njësine administrative Malzi dhe në lagjen Surroj në Kukës.<br /><br />Pjesa tjetër është furnizuar pa ndërprerje.Nuk ka probleme të furnizimit me ujë të pijshëm. <br />Për më shumë lexoni në: <br />http://oranews.tv/article/kukes-ja-rruget-ku-ka-veshtiresi-qarkullimi-nga-bora
