Këto janë pamjet që vijnë nga Rruga e Kombit pasditen e kësaj të mërkure. Mjetet e rënda siç shihet nuk lejohen të lëvizin si pasojë reshjeve të dendura të dëborës.<br /><br />Rikthimi i dëborës ktheu vështirësitë në disa rajone të vendit. Prefekti i Gjirokastrës kërkoi shpalljen e emergjencës pasi fshatrat Zagorie, Frashër, Kurvelesh e Golem janë të bllokuara.<br /><br />Në qytet trashësia e dëborës ka arritur në 30 centimetra, ndërsa qarkullimi në aksin Tepelene-Gjirokastër është bllokuar dhe asnjë mjet nuk mund të lëvizë.<br /><br />Drejtoria arsimore e këtij qarku pezulloi pa afat mësimin.<br /><br />Edhe në Dibër, reshjet e dëborës bien me intensitet të lartë dhe pa ndërprerje që prej të henës. Bllokime ka vetëm në zonën e Sllovës, ndërsa rruga Peshkopi-Tiranë është e kalueshme me zinxhirë.<br /><br />Disa shkolla në zona të thella e kanë pezulluar procesin mësimor, për ta vazhduar pas përmirësimit të situatës.<br /><br />Në Librazhd dhe Përrenjas vëmendja është përqendruar në aksin Elbasan-Qafëthanë, ku automjetet qarkullojnë vetëm me zinxhirë. Nga 40 shkolla, mësimi vazhdon në 15 prej tyre.<br /><br />Në Korçë akset kryesore janë të hapura dhe kalohen me zinxhirë. Procesi mësimor është bërë me orë të shkurtuara edhe në Pogradec.<br /><br />Moti i keq krijoi probleme edhe ne qarkun e Lezhës. Në Mirditë mësimi u pezullua në shkollat e zonave malore. Ulja e temperaturave solli edhe ngrica në rrugë. Nuk munguan edhe aksidentet.<br /><br />Ministria e Mbrojtjes thotë se situata do të jetë e tillë edhe në orët në vijim. Ministrja Olta Xhaçka paralajmëroi kompanitë e mirëmbajtjes së rrugëve që nuk përmbushin detyrën.<br /><br />Situata po monitorohet pa ndërprerje si nga ARRSH për gjendjen e rrugëve ashtu dhe nga OSHEE për problemet me energjinë elektrike.<br /><br />Tv Klan
