Subscribe në Ora News këtu http://bit.ly/1s5j7UT<br />#oranews<br /><br />Anëtarët e rinj të Gjykatës së Lartë pas zgjedhjes në detyrë nga organet e reja të drejtësisë i pret një ngarkesë e jashtëzakonshme si pasojë e grumbullimit të dosjeve të pashqyrtuara në katër vitet e fundit.<br /><br />Zyra e shtypit ka publikuar statistikat e vitit 2018 ku deri në datën 31 dhjetor numërohen 28,863 çështje në pritje për tu marrë në shqyrtim.<br /><br />Problematika me zvarritjen e dosjeve filloi në vitin 2015 kur anëtarëve të Gjykatës së Lartë u mbaroi mandati, ndërsa 7 gjyqtarët e rinj nuk u emëruan për shkak të ngërçit të dekreteve te presidentit në kuvend.<br /><br />Nga 19 anëtarë që është organika e plotë, aktualisht Gjykata e Lartë ka mbetur vetëm me 3 anëtarë. Përveç bllokimit të emërimit të 7 anëtarëve në parlament, vendet e tjera mbetën vakante për shkak të vonesës në hartimin e paketës që reformës në drejtësi dhe zvarritjeve në procesin e formimit të organeve të reja të sistemit, siç është KLGJ i konstituuar pak javë më parë.<br /><br />Në katër vitet e fundit gjykata vazhdoi punën me staf të reduktuar, ndërkohë që numri i çështjeve që kanë mbërritur për shqyrtim ka ardhur në rritje duke krijuar kështu stokun e dosjeve në pritje për shqyrtim edhe pse të gjitha janë me afate.<br /><br />Për më shumë lexoni në: http://oranews.tv/article/bllokohet-gjykata-e-larte-29-mije-dosje-ne-pritje
