Nisja e sesionit të ri parlamentar në 21 Janar do ta gjejë opozitën jashtë kuvendit. Ndonëse nuk ka një vendim përfundimtar, nënkryetari i demokratëve, Edi Paloka thotë se rrëzimi nga maxhoranca i nismës së opozitës për vettingun në politikë e bën të pakuptimtë rikthimin në Kuvend.<br /><br />?Do të merret një vendim i gjithë opozitës, por mendoj se pak a shumë vendimi është përvijuar. Nuk mund të kthehemi në një Parlament që mban brenda hajdutë, kriminelë, duke filluar nga Kryeministri.?<br /><br />Me një opozitë jashtë parlamentit, me një reformë zgjedhore gati në të dështuar, shanset e një normaliteti politik zerohen. Paloka, sikundër kryetari i tij Basha, i rikthehet tezës së zgjedhjeve të parakohshme, si e vetmja mundësi për kthimin e shtetit në binarët e ligjshmërisë.<br /><br />?Përgatituni për zgjedhje dhe shpresoj që zgjedhjet të bëhen bashkarisht, jo vetëm ato lokale por edhe ato Parlamentare, mbas largimit të Ramës.?<br /><br />Edhe pse opozita thotë se është e gatshme për zgjedhje të përgjithshme dhe lokale njëherësh në pikëpyetje mbetet puna për Kodin zgjedhor, për të cilin palët nuk kanë gjetur akoma gjuhën e përbashkët.<br /><br />Tv Klan
